കേരളത്തിൽ എയിംസ് സ്ഥാപിക്കുന്നതിനായി കോഴിക്കോട്‌ കിനാലൂരിൽ കണ്ടെത്തിയ ഭൂമി ആരോഗ്യവകുപ്പിന്‌ കൈമാറാൻ ഉത്തരവ്‌. കേരള സ്‌റ്റേറ്റ്‌ ഇൻഡസ്‌ട്രിയൽ ഡെവലപ്‌മെന്റ്‌ കോർപറേഷന്റെ (കെഎസ്‌ഐഡിസി) ഉടമസ്ഥതയിലുള്ള 153.46 ഏക്കർ ഭൂമിയാണ്‌ ആരോഗ്യവകുപ്പിന്‌ കൈമാറുന്നത്‌. കേരളത്തിൽ എയിംസ് സ്ഥാപിക്കാൻ കേന്ദ്രം അനുകൂല നിലപാട്‌ സ്വീകരിച്ച സാഹചര്യത്തിലാണ്‌ സംസ്ഥാന സർക്കാരും നടപടികൾ വേഗത്തിലാക്കിയത്‌.
മെഡിക്കൽ വിദ്യാഭ്യാസ ഡയറക്ടറുടെ പേരിലാകും ഭൂമി നൽകുക. 142.67 ഏക്കർ ഭൂമിയുടെ സ്‌കെച്ചും മഹസർ റിപ്പോർട്ടും അടക്കം റവന്യൂവകുപ്പ്‌ തയറാക്കികഴിഞ്ഞു. കെഎസ്‌ഐഡിസിയിൽ നിന്ന്‌ ഭൂമി ഏറ്റെടുത്ത്‌ റവന്യു വകുപ്പാകും ആരോഗ്യവകുപ്പിന്‌ കൈമാറുക.
English Summary: AIIMS: The land will be handed over to the health department
You may like this video also
