രാജ്യത്ത് 850 ൽ അധികം വരുന്ന അവശ്യമരുന്നുകളുടെ വില വർദ്ധനവിനെതിരെ എഐവൈഎഫ് ആലപ്പുഴയിൽ സംഘടിപ്പിച്ച പ്രതിഷേധം സംസ്ഥാന സെക്രട്ടറി ടി ടി ജിസ്‌മോൻ ഉദ്ഘാടനം ചെയ്തു. ആലപ്പുഴ ബി എസ് എന്‍ എല്‍ ഓഫീസിന് മുന്നിൽ നടന്ന സമരത്തിൽ ജില്ലാ വൈസ് പ്രസിഡന്റ് ഷമീറ ഹാരിസ് അദ്ധ്യക്ഷത വഹിച്ചു.
ആലപ്പുഴ മണ്ഡലം സെക്രട്ടറി സെക്രട്ടറി എം കണ്ണൻ സ്വാഗതം പറഞ്ഞു. ജില്ലാ സെക്രട്ടറി സനൂപ് കുഞ്ഞുമോൻ, എഐഎസ്എഫ് ജില്ലാ സെക്രട്ടറി അസ്‌ലം ഷാ, പ്രസിഡന്റ് യു അമൽ തുടങ്ങിയവർ സംസാരിച്ചു. ജില്ലാ എക്സിക്യുട്ടീവ് അംഗം സന്തോഷ് കുമാർ എം നന്ദി പറഞ്ഞു. ടി വി സ്മാരകത്തിൽ നിന്നും ആരംഭിച്ച പ്രകടനത്തിന് ജില്ലാ കമ്മിറ്റി അംഗങ്ങളായ ആശ സുനീഷ്, സോണിയ മാർട്ടിൻ നേതാക്കളായ നിജു തോമസ്, നവാസ് ബഷീർ, അനീഷ് എ തുടങ്ങിയവർ നേതൃത്വം നൽകി.