ഡിസംബർ രണ്ട് മുതൽ നാല് വരെ കണ്ണൂരിൽ നടക്കുന്ന എഐവൈഎഫ് സംസ്ഥാന സമ്മേളനത്തിന്റെ സന്ദേശവുമായി സംഘടിപ്പിച്ച ലൈവ് പെനാൽറ്റി ഷൂട്ടൗട്ട് ശ്രദ്ധേയമായി. വെള്ളിയാഴ്ച രാവിലെ പുതിയതെരുവിൽ ചിറക്കൽ പഞ്ചായത്ത് അംഗം പി പ്രസാദ് ആദ്യ കിക്ക് എടുത്തതോടെയാണ് പരിപാടിക്ക് തുടക്കമായത്. തുടർന്ന് വൻകുളത്ത് വയലിലെ മത്സരത്തിന് ശേഷം കണ്ണൂർ പഴയ ബസ് സ്റ്റാൻഡിൽ സിപിഐ ദേശീയ കൺട്രോൾ കമ്മിഷൻ ചെയർമാൻ പന്ന്യൻ രവീന്ദ്രൻ ഉദ്ഘാടനം ചെയ്തു.
എഐവൈഎഫ് ജില്ലാ വൈസ് പ്രസിഡന്റ് കെ വി പ്രശോഭ് അധ്യക്ഷത വഹിച്ചു. സിപിഐ ജില്ലാ സെക്രട്ടറി അഡ്വ. പി. സന്തോഷ് കുമാർ, സംസ്ഥാന കൗൺസിൽ അംഗങ്ങളായ സി പി ഷൈജൻ, സി പി സന്തോഷ് കുമാർ തുടങ്ങിയവർ പങ്കെടുത്തു.
ഷൂട്ടൗട്ടിലെ വിജയികൾക്ക് തത്സമയം സമ്മാനങ്ങൾ വിതരണം ചെയ്തു. വാരം, കടലായി എന്നിവിടങ്ങളിലെ മത്സരത്തിന് ശേഷം കണ്ണൂർ സിറ്റിയിൽ നടന്ന സമാപന പരിപാടിയിൽ മുൻ ദേശീയ ഫുട്ബോൾ താരം കെ പി സൂന മുഖ്യാതിഥി ആയിരുന്നു.
ENGLISH SUMMARY:AIYF State Conference
You may also like this video
