ട്രാഫിക് പിഴയിൽ 50% ഇളവു പ്രഖ്യാപിച്ച് അജ്മാൻ പൊലീസ്. ഒക്ടോബർ 31 വരെ അജ്മാൻ എമിറേറ്റിനുള്ളിൽ സംഭവിച്ചിട്ടുള്ള ഗതാഗത നിയമ ലംഘനങ്ങൾക്കാണ് പിഴയിൽ ഇളവ് പ്രഖ്യാപിച്ചത് . നവംബർ നാലു മുതൽ ഡിസംബർ 15 വരെ നടന്നിട്ടുള്ള നിയമലംഘനങ്ങൾക്ക് ഇളവോടുകൂടി പിഴ അടച്ചു തീർക്കാവുന്നതാണ്. ഗുരുതരമായ നിയമ ലംഘനങ്ങൾ ഇതിൽ ഉൾപ്പെടുന്നില്ലെന്ന് പോലീസ് അറിയിച്ചിട്ടുണ്ട്.
ലൈറ്റ് അല്ലെങ്കിൽ ഹെവി വാഹനങ്ങൾ അശ്രദ്ധമായി ഓടിക്കുക, ഓവർടേക്ക് നിരോധിച്ചിരിക്കുന്ന സ്ഥലത്തെ നിയമ ലംഘനം, പരമാവധി വേഗപരിധി 80 കിലോമീറ്ററിൽ കൂടുതൽ വാഹനം ഓടിക്കുക , മുൻകൂർ അനുമതിയില്ലാതെ വാഹനത്തിൽ മാറ്റം വരുത്തുക എന്നിവയാണ് തീരുമാനത്തിൽ ഉൾപ്പെടുത്തിയിട്ടില്ലാത്ത ഗുരുതരമായ ലംഘനങ്ങൾ.