ആകാശവാണി തിരുവനന്തപുരം നിലയം പ്രക്ഷേപണത്തിന്റെ 75-ാം വർഷത്തിലേക്ക്. കേരളത്തിന്റെ സാംസ്കാരികവും സാമൂഹികവുമായ ജീവിതത്തിൽ നിർണായകസ്വാധീനം ചെലുത്തിയ തിരുവനന്തപുരം നിലയം 1950 ഏപ്രിൽ ഒന്നിനാണ് പ്രക്ഷേപണം ആരംഭിച്ചത്. ജി പി എസ് നായരായിരുന്നു ആദ്യത്തെ ഡയറക്ടർ. അതിപ്രഗത്ഭരായ എഴുത്തുകാരും കലാകാരൻമാരും ആദ്യ കാലം മുതലേ തിരുവനന്തപുരം നിലയത്തെ ജനപ്രിയമാക്കി. ആലപ്പുഴയിലെ 200 കിലോവാട്ട് ട്രാൻസ്മിറ്റർ തിരുവനന്തപുരം നിലയത്തെ കേരളത്തിലെമ്പാടും എത്തിച്ചു.
ആലപ്പുഴ, പുനലൂർ, പത്തനംതിട്ട, കായംകുളം, ഇടുക്കി, കൽപ്പറ്റ, കാസർകോട്, കവരത്തി, അനന്തപുരി എഫ്എം എന്നീ എഫ്എം നിലയങ്ങളിലൂടെയും ആകാശവാണി തിരുവനന്തപുരം കേൾക്കാൻ കഴിയും. ഒരു വർഷം നീണ്ടു നിൽക്കുന്ന 75-ാം വാർഷിക പരിപാടികൾ ഇന്ന് ഉച്ചകഴിഞ്ഞ് മൂന്ന് മണിക്ക് ആകാശവാണി അങ്കണത്തിൽ നടക്കുന്ന ചടങ്ങിൽ ഡോ. ജോർജ് ഓണക്കൂർ ഉദ്ഘാടനം ചെയ്യും. ഡോ. എം ജി ശശിഭൂഷൺ മുഖ്യപ്രഭാഷണം നടത്തും. ആഘോഷങ്ങളുടെ ഭാഗമായി വരുന്ന മാസങ്ങളിൽ വിവിധപ്രദേശങ്ങളിൽ വൈവിധ്യമാര്‍ന്ന പരിപാടികൾ സംഘടിപ്പിക്കും.
English Summary: Akashvani Thiruvananthapuram Station turns 75
You may also like this video
