1981ൽ സ്ഥാപിതമായ എടത്തല അൽ അമീൻ കോളജ് 43 വർഷത്തെ പൂർവ്വ വിദ്യർത്ഥികളെയും അധ്യാപകരെയും ഉൾപ്പെടുത്തി സംഘടിപ്പിച്ച ‘അൽ അമീൻ അമിസീസിയ 2024’ മെഗാ പൂർവ്വ വിദ്യാർത്ഥി സംഗമം മന്ത്രി പി രാജീവ് ഉദ്ഘാടനം ചെയ്തു. കലാഭവൻ നവാസ് സമ്മാനദാനം നടത്തി. അൻവർ സാദത്ത് എംഎൽഎ, അൽ അമീൻ മാനേജർ ഡോ. ജുനൈദ് റഹ്‌മാൻ എന്നിവർ മുഖ്യാതിഥികളായി.
അലുമ്നി അസോസിയേഷൻ പ്രസിഡൻ്റ് കെ എ ബഷീർ അധ്യക്ഷനായി. സെക്രട്ടറി അഡ്വ. അനീസ് മുഹമ്മദ് റിപ്പോർട്ട് അവതരിപ്പിച്ചു. പ്രിൻസിപ്പാൾ സിനി കുര്യൻ, ജനറൽ കൺവീനർ ഡോ. അബ്ദുൾ ഹക്കിം, ടി എ എം ബഷീർ, കെ കെ ജമാൽ, കെ എസ് മുഹമ്മദ് വസിം, ഷാഹുൽ ഹമീദ്, എം എച്ച് ഷാനിബ, ഇ എം യൂനസ്, എ എ സഹദ്, എൻ എൻ ഫസൽ, റിസ്‌വാൻ ഷാജിക്, സി എസ് നാസർ, പി എസ് കുഞ്ഞുമുഹമ്മദ്, ഗഫൂർ ഇളമന, സി കെ മാഹിൻകുട്ടി, എം എ മുഹമ്മദ് അസ്ഹർ, കെ എച് മുഹമ്മദ് റിയാസ്, എം ഐ വിജിനത്ത്, ഫാത്തിമ ഷാനിയ, എം എ മൻസിയ, സബിത മോൾ, ഷെറീന ഷാജഹാൻ, പരീക്കുഞ്ഞ് അട്ടക്കാട്ട്, പി എസ് അജ്മൽ എന്നിവർ സംസാരിച്ചു.
പൂർവ്വ വിദ്യാർത്ഥികളും കോളജ് വിദ്യാർത്ഥികളും കലാപരിപാടികൾ അവതരിപ്പിച്ചു. കോളേജ് ബാൻഡ് ഗ്രൂപ്പ് ടെക്കാട്രി അവതരിപ്പിച്ച മ്യൂസിക് ബാൻഡും, പൂർവ്വ വിദ്യാർത്ഥിയായ മനോജ് ഗിന്നസിൻ്റെ നേതൃത്വത്തിൽ മെഗോഷോയും അരങ്ങേറി. ബാച്ച് സംഗമം, അധ്യാപകരെ ആദരിക്കൽ, പ്രൊഫ. അലിക്കുഞ്ഞ് എഡോവ്‌മെൻ്റ് അഖിലകേരള പ്രസംഗമത്സര വിജയികൾക്കും, മുഖ്യമന്ത്രിയുടെ പ്രതിഭ പുരസ്കാരം ലഭിച്ച വിദ്യാർത്ഥികൾ, യൂണിവേഴ്സിറ്റി റാങ്ക് ജേതാക്കൾ എന്നിവരെ ആദരിക്കൽ എന്നിവയും നടന്നു.
English Summary: Alumni meet organized
You may also like this video
