ആമയിഴഞ്ചാന് തോട് വൃത്തിയാക്കുന്നതിനിടയില് കാണാതായ ജോയിക്കായുള്ള തിരച്ചില് ഇപ്പോഴും തുടരുകയാണ്.എന്നാല് ഇതുവരെയും പ്രതീക്ഷാവഹമായ ഒരു വിവരങ്ങളും ലഭിക്കാത്തതിനാല് നാവിക സേനയുടെ സഹായം തേടുകയാണെന്നാണ് റവന്യു മന്ത്രി കെ.രാജന് അറിയിച്ചത്.കൊച്ചിയില് നിന്നും ഇന്ന് വൈകിട്ടോടെ നാവികസേനാ സംഘം തിരുവനന്തപുരത്തേക്ക് എത്തുമെന്നും അദ്ദേഹം അറിയിച്ചു.
രക്ഷാ പ്രവർത്തനത്തിൽ പുരോഗതിയുണ്ടാകാത്ത സാഹചര്യത്തിൽ സർക്കാർ സഹായം തേടി നാവിക സേനയ്ക്ക് കത്ത് നൽകുകയായിരുന്നു. 5 മുതൽ 10 വരെ അംഗങ്ങളുളള നേവിയുടെ വിദഗ്ധ സംഘമാകും തലസ്ഥാനത്ത് എത്തുക. ദേശീയ ദുരന്ത നിവാരണ സംഘവും സ്ഥലത്തുണ്ട്. പുതിയതായി പുതിയ 2 സ്കൂബെ ഡൈവേഴ്സിനെ ഉപയോഗിച്ച് തെരച്ചിൽ നടത്തുന്നുണ്ട്. മുന്നിൽ നിന്നും പിന്നിൽ നിന്നും ഒരേ സമയമാണ് തെരച്ചിൽ നടക്കുക. ഡൈവിങ് ടീമിന് പോകാൻ കഴിയാത്ത വിധത്തിൽ മാലിന്യം അടിഞ്ഞ് കിടക്കുകയാണ്. അതിനാൽ കനാലിലേക്ക് കൃത്രിമമായി വെള്ളം പമ്പുചെയ്യും. ജലത്തിൻ്റെ അളവ് വർദ്ധിപ്പിക്കും.സാധ്യമായ എല്ലാ പ്രവർത്തനങ്ങളും നടത്തുന്നുണ്ട്. ഹൈ പവർ ക്യാമറ വെച്ചുള്ള പരിശോധനയുടെ അടിസ്ഥാനത്തിലാണ് പിന്നിൽ നിന്നുള്ള തെരച്ചിൽ നടക്കുന്നത്. വാട്ടർ ലെവൽ ആർട്ടിഫിഷ്യലായി കൂട്ടിയാൽ സഹായകരമാകും. ശാസ്ത്രീയമായ രീതിയിൽ ആലോചിച്ചാണ് ഈ നടപടിയെന്നും മന്ത്രി രാജൻ വിശദീകരിച്ചു. ആരുടെ ഭാഗത്ത് വീഴ്ച്ചയുണ്ടെങ്കിലും പരിശോധിക്കും. ഇപ്പോൾ അതിൻ്റെ സമയമല്ല. ജോയിയാണ് ഇപ്പോൾ മുന്നിലെ വിഷയമെന്നും രാജൻ പറഞ്ഞു.
അതേസമയം ജോയിയെ കാണാതായിട്ട് 28 മണിക്കൂര് പിന്നിട്ടു.മാലിന്യം അടിഞ്ഞുകൂടി കിടക്കുന്നതിനാല് മാന്ഹോള് വഴിയുള്ള പ്രവര്ത്തനം നേരത്തെ നിര്ത്തലാക്കിയിരുന്നു.ഏറ്റവുമൊടുവിലായി കാമറ ഘടിപ്പിച്ച ഡ്രാക്കോ റോബോട്ട് വെള്ളത്തിനടിയിൽ ഇറക്കി പരിശോധന നടത്തുകയാണ്. ഈ പരിശോധനയിൽ അവ്യക്തമായ ചില ദൃശ്യങ്ങള് ക്യാമറയില് പതിഞ്ഞിരുന്നു. തുടര്ന്ന് കൂടുതല് സ്കൂബാ ടീം അംഗങ്ങള് ടണലിലേക്ക് ഇറങ്ങി പരിശോധന നടത്തിയെങ്കിലും ചാക്കിൽ കെട്ടിയ നിലയിലുളള മാലിന്യങ്ങളായിരുന്നു ഉണ്ടായിരുന്നത്.
English Summary;Amayizhanjan Kanal Accident;Navy Group Arriving for the search
You may also like this video
