ലോ കോളജ് വിദ്യാർത്ഥിയെ വെട്ടിക്കൊലപ്പെടുത്താൻ ശ്രമിച്ച കേസിൽ ഒരാൾ കൂടി പൊലീസ് അറസ്റ്റ് ചെയ്തു. ബാർട്ടൺ ഹില്ലിന് സമീപം നിയമ വിദ്യാർത്ഥിക്ക് നേരെയുണ്ടായ അക്രമണമുണ്ടായത്. കേസിലെ നാലാം പ്രതിയായ രാജാജി നഗർ ഫ്ലാറ്റ് നമ്പർ 397‑ൽ നിരഞ്ജൻ സുനിൽകുമാറി (18) നെയാണ് മ്യൂസിയം പൊലീസ് പിടികൂടിയത്. ബാർട്ടൺ ഹില്ലിന് സമീപത്തെ ഹോസ്റ്റലിലാണ് റിസ്വാൻ താമസിക്കുന്നത്. ഇവിടെ വച്ച് ഒൻപതംഗ സംഘം റിസ്വാനെ വടിവാൾ കൊണ്ട് വെട്ടാൻ ശ്രമിക്കുകയായിരുന്നു. റിസ്വാൻ കൈകൊണ്ട് തടുഞ്ഞപ്പോൾ ഇടതുകൈമുട്ടിന് പരിക്കേൽക്കുകയായിരുന്നു.
ബാർട്ടൺ ഹിൽ ചാമ്പ്യൻ ഭാസ്കർ റോഡിന് സമീപം ഓഗസ്റ്റ് 15ന് രാത്രി ഒമ്പതരയോടെയായിരുന്നു നിയമ വിദ്യാർത്ഥി ആക്രമിക്കപ്പെട്ടത്. ലോ കോളേജ് വിദ്യാർത്ഥിയായ കാസർകോഡ് ഇഖ്ബാൽ മൻസിൽ വീട്ടിൽ മുഹമ്മദ് റിസ്വാനാണ് വെട്ടേറ്റത്. മുൻവൈരാഗ്യമാണ് ആക്രമണത്തിലേക്ക് നയിച്ചതെന്നാണ് നിഗമനം.