ബീഹാറില്‍ എട്ട് വയസുകാരനെ ആയുധധാരികളായ അജ്ഞാതർ തട്ടിക്കൊണ്ടുപോയി. ബിഹാറിലെ മധേപുര ജില്ലയിലാണ് സ്‌കൂൾ ബസിൽ നിന്ന് കുട്ടിയെ അജ്ഞാതര്‍ തട്ടിക്കൊണ്ടുപോയത്.
ഇന്ന് രാവിലെ ഏഴരയോടെ ആലംനഗർ പ്രദേശത്തെ കൃഷ്ണ ബോർഡിംഗ് സ്‌കൂളിലെ വിദ്യാർത്ഥി സ്‌കൂളിലേക്ക് പോകുന്നതിനിടെയാണ് സംഭവം. ബസ് കദമ്മ ചൗക്കിലെത്തിയപ്പോൾ അക്രമികള്‍ ബസ് തടഞ്ഞുനിർത്തി വിദ്യാർത്ഥിയെ എടുത്ത് സംഭവസ്ഥലത്ത് നിന്ന് ഓടി രക്ഷപ്പെടുകയായിരുന്നു. “തട്ടിക്കൊണ്ടുപോയവരെക്കുറിച്ച് ഞങ്ങൾക്ക് ചില സൂചനകളുണ്ട്, കുട്ടിയെ വീണ്ടെടുക്കാൻ റെയ്ഡ് നടത്തുകയാണ്,” പൊലീസ് പറഞ്ഞു.
സംഭവത്തെ തുടർന്ന് സ്‌കൂളിൽ കൂടുതൽ സുരക്ഷാ സേനയെ വിന്യസിച്ചതായും പൊലീസ് പറഞ്ഞു.