ഉത്തര്‍പ്രദേശില്‍ എട്ടുവയസ്സുകാരിയെ അയൽവാസിയായ ആണ്‍കുട്ടി ബലാത്സംഗം ചെയ്തു. പ്രതിയെ തിരിച്ചറിഞ്ഞിട്ടുണ്ടെന്നും ഉടൻ അറസ്റ്റ് ചെയ്യുമെന്നും പൊലീസ് പറഞ്ഞു.
തിങ്കളാഴ്ച വൈകുന്നേരമാണ് അയല്‍വാസിയായ ആണ്‍കുട്ടി പെണ്‍കുട്ടിയെ ക്രൂരമായ ബലാത്സംഗത്തിനിരയാക്കിയത്. ഇതേ കെട്ടിടത്തിൽ താമസിക്കുന്ന ഒരു ആൺകുട്ടിയാണ് തന്റെ മകളെ മേൽക്കൂരയിലേക്ക് കൂട്ടിക്കൊണ്ടുപോയി ബലാത്സംഗം ചെയ്തതെന്ന് കുട്ടിയുടെ അമ്മ പറഞ്ഞു. പെണ്‍കുട്ടിയുടെ അമ്മയുടെ പരാതിയില്‍ പൊലീസ് കേസെടുത്തു.
പരാതിയുടെ അടിസ്ഥാനത്തിൽ, കുട്ടികൾക്കെതിരായ ലൈംഗിക കുറ്റകൃത്യങ്ങളിൽ നിന്നുള്ള സംരക്ഷണ (പോക്‌സോ) നിയമപ്രകാരം പ്രതികൾക്കെതിരെ വനിതാ പൊലീസ് സ്റ്റേഷനിൽ എഫ്‌ഐആർ രജിസ്റ്റർ ചെയ്തതായി മുതിർന്ന പോലീസ് ഉദ്യോഗസ്ഥൻ പറഞ്ഞു.
പ്രതി പ്രായപൂർത്തിയാകാത്ത ആളാണോ എന്നതില്‍ ഇതുവരെ വ്യക്തത കൈവന്നിട്ടില്ല. സംഭവത്തില്‍ അന്വേഷണം നടക്കുകയാണെന്നും പ്രതിയെ ഉടൻ അറസ്റ്റ് ചെയ്യുമെന്നും ഉദ്യോഗസ്ഥർ കൂട്ടിച്ചേർത്തു.
English Summary: An eight-year-old girl was raped by a neighbor boy
You may also like this video
