നീലേശ്വരം തട്ടച്ചേരി കോട്ടവളപ്പിൽ വിജയൻ (54) ഭാര്യക്കും മക്കൾക്കും വിഷം കൊടുത്തശേഷം തൂങ്ങിമരിച്ചു. വിഷം അകത്തു ചെന്ന് ഗുരുതരാവസ്ഥയിൽ ഭാര്യ മടിക്കൈപൂത്തക്കാലിലെ ലക്ഷ്മി, മക്കളായ ലയന (18)വിശാൽ (16) എന്നിവരെ മംഗലാപുരം കെഎസ് ആശുപത്രിയിൽ പ്രവേശിപ്പിച്ചു. ഇന്നലെ രാത്രി 10 മണിയോടെയാണ് സംഭവം. ഭാര്യക്കും മക്കൾക്കും വിജയൻ ഭക്ഷണത്തിൽ വിഷം കലർത്തി കൊടു ക്കുകയായിരുന്നു എന്നാണ് സംശയം.
ഭക്ഷണം കഴിച്ചു ഉറങ്ങാൻ കിടന്നപ്പോഴാണ് ലക്ഷ്മിക്കും മക്കൾക്കും വയറുവേദന അനുഭവപ്പെട്ടത്. ഇവരുടെ നിലവിളി കേട്ട് ഓടിയെത്തിയ അയൽവാസികളാണ് വിജയനെ വീടിന് പുറകിൽ മരത്തിൽ തൂങ്ങിമരിക്കാനുള്ള ശ്രമത്തിനിടയിൽ താഴേക്ക് പൊട്ടിവീണ നിലയിൽ കണ്ടത് ആളുകൾ എത്തുമ്പോഴേക്കും വിജയൻ മരണപ്പെട്ടിരുന്നു.