ഇരവുകാട് നവപ്രഭ ചാരിറ്റബിൾ സൊസൈറ്റിയുടെ വാർഷിക സമ്മേളനവും ആദര സമർപ്പണവും എച്ച് സലാം എം എൽ എ ഉദ്ഘാടനം ചെയ്തു. പ്രസിഡന്റ് ടി ആർ ഓമനക്കുട്ടൻ അധ്യക്ഷനായി. വിദ്യാരക്ഷ ‑വൈദ്യരക്ഷ പദ്ധതികൾ നഗരസഭ അധ്യക്ഷ സൗമ്യാരാജ് നിർവ്വഹിച്ചു.
മികച്ച വില്ലേജ് ഓഫീസർക്കുള്ള പുരസ്ക്കാരം നേടിയ എസ് ലയ, മെഡിക്കൽ പി ജിക്ക് പ്രവേശനം ലഭിച്ച ഡോ. ഹരിത എന്നിവരെ എം എൽ എ ആദരിച്ചു. എൽ മായ, സി ടി ഷാജി, പി രാധാകൃഷ്ണൻ, എ സുരേഷ്, മാത്തുക്കുട്ടി, അബ്ദുൾ ഗഫൂർ തുടങ്ങിയവർ പ്രസംഗിച്ചു.