മണിപ്പൂരില്‍ വീണ്ടും വെടിവയ്പ്പ്. ജിരിബാമിലെ ഫൈതോണ്‍ പൊലീസ് ഔട്ട്പോസ്റ്റിന് നേരെയാണ് ആക്രമണമുണ്ടായത്. സംഭവവുമായി ബന്ധപ്പെട്ട് രണ്ടുപേരെ പൊലീസ് കസ്റ്റഡിയിലെടുത്തു. കഴിഞ്ഞദിവസം ഇവിടെ ഒരു വീടിന് തീവയ്ക്കാന്‍ ശ്രമം നടന്നിരുന്നു. ഇതിന് പിന്നാലെയാണ് പൊലീസിനുനേര്‍ക്കും ആക്രമണമുണ്ടായത്.
അതിനിടെ ഈസ്റ്റ് ഇംഫാല്‍ ജില്ലയില്‍ വന്‍തോതില്‍ ആയുധങ്ങളും വെടിക്കോപ്പുകളും പിടികൂടി. രഹസ്യവിവരത്തിന്റെ അടിസ്ഥാനത്തില്‍ സൈന്യത്തിന്റെയും മണിപ്പൂര്‍ പൊലീസിന്റെയും സംയുക്ത നേതൃത്വത്തിലായിരുന്നു പരിശോധന. ആയുധങ്ങള്‍ മണിപ്പൂര്‍ പൊലീസിന് കൈമാറി. സംഭവത്തില്‍ വിശദമായ അന്വേഷണം നടത്തിവരികയാണ്.
English Summary: Another firing in Manipur
You may also like this video
