ജമ്മു കശ്മീർ മുൻ ഉപമുഖ്യമന്ത്രി താരാ ചന്ദ് ഉൾപ്പെടെ 60ലധികം മുതിർന്ന കോൺഗ്രസ് നേതാക്കൾ ഗുലാം നബി ആസാദിനെ പിന്തുണച്ച് പാർട്ടിയിൽ നിന്ന് രാജിവച്ചു. ഇവരുടെ സംയുക്ത രാജിക്കത്ത് കോൺഗ്രസ് അധ്യക്ഷ സോണിയ ഗാന്ധിക്ക് അയച്ചു. മുൻ മന്ത്രിമാരായ അബ്ദുൾ മജിദ് വാനി, മനോഹർ ലാൽ ശർമ്മ, ഘരു റാം, മുൻ എംഎൽഎ ബൽവാൻ സിങ് എന്നിവരുൾപ്പെടെയുള്ളവർ പാർട്ടിയുടെ പ്രാഥമിക അംഗത്വം ഉൾപ്പെടെ രാജിവയ്ക്കന്നതായി വാർത്താ സമ്മേളനത്തിൽ അറിയിച്ചു.
ആസാദിനെ പിന്തുണച്ചാണ് തങ്ങൾ കോൺഗ്രസ് വിടുന്നതെന്ന് ബൽവാൻ സിങ് പറഞ്ഞു. മുൻ മന്ത്രിമാരും നിയമസഭാംഗങ്ങളും ഉൾപ്പെടെ ഒരു ഡസനിലധികം നേതാക്കളും നൂറുകണക്കിന് പഞ്ചായത്തീരാജ് സ്ഥാപന അംഗങ്ങളും മുനിസിപ്പൽ അംഗങ്ങളും ജില്ലാ-ബ്ലോക്ക് തല നേതാക്കളും ആസാദിനൊപ്പം ഗുലാം നബിയെ പിന്തുണച്ച് കോൺഗ്രസ് വിട്ടിരുന്നു.
English Summary:Another mass resignation in Jammu and Kashmir Congress
You may also like this video
