രാജസ്ഥാനിലെ കോട്ട ഐഐടിയില്‍ വീണ്ടും വിദ്യാര്‍ത്ഥി മ രണം. ഉത്തർപ്രദേശ് സ്വദേശിയായ കുശാഗ്ര രസ്തോഗി (18) എന്ന വിദ്യാര്‍ത്ഥിയെയാണ് ദരൂഹ സാഹചര്യത്തില്‍ മരിച്ച നിലയില്‍ കണ്ടെത്തിയത്.
കുളിമുറിയിൽ അബോധാവസ്ഥയിൽ കണ്ടെത്തിയ രസ്തോഗിയെ ആശുപത്രിയിൽ എത്തിച്ചെങ്കിലും ചികിത്സയ്ക്കിടെ മരിച്ചു. ഈ വർഷം ഏപ്രിലിലാണ് വിദ്യാർത്ഥി കോച്ചിംഗിനായി കോട്ടയിലെത്തിയത്. ഓൾഡ് രാജീവ് ഗാന്ധി നഗറിലെ ഒരു ഹോസ്റ്റലിലാണ് വിദ്യാര്‍ത്ഥി താമസിച്ചിരുന്നത്.
വിദ്യാര്‍ത്ഥി മരിക്കാനുള്ള കാരണം ഇതുവരെ വ്യക്തമായിട്ടില്ലെന്നും അന്വേഷണം ആരംഭിച്ചതായും പൊലീസ് പറഞ്ഞു. ഈ വര്‍ഷം ജൂണ്‍വരെ 11 വിദ്യാര്‍ത്ഥികളാണ് കോട്ടയില്‍ ആത്മഹത്യ ചെയ്തതെന്നാണ് റിപ്പോര്‍ട്ടുകള്‍.