ഇസ്ലാമിനെതിരെ സമൂഹമാധ്യമത്തില്‍ അധിക്ഷേപകരമായ പോസ്റ്റ് പങ്കുവച്ച യുവാവിനെ പൊലീസ് വിട്ടയച്ചതിനെ തുടര്‍ന്ന് സംഘര്‍ഷം. ഉത്തര്‍പ്രദേശിലെ മുസാഫര്‍നഗറിലാണ് സംഭവം. ഇസ്ലാമിനെ അധിക്ഷേപിച്ച നിഖിൽ ത്യാഗി എന്ന യുവാവിനെ പൊലീസ് കസ്റ്റഡിയിലെടുത്തെങ്കിലും കേസെടുക്കാതെ വിട്ടയച്ചിരുന്നു.
പ്രതിഷേധിച്ച് ജനങ്ങള്‍ റോഡ് ഉപരോധിക്കുകയും പ്രതിഷേധ പ്രകടനങ്ങള്‍ നടത്തുകയും ചെയ്തു. ഇതോടെ പൊലീസ് കേസെടുക്കുകയും നിഖിൽ ത്യാഗിയെ കസ്റ്റഡിയിലെടുക്കുകയും ചെയ്തു. അതേസമയം 500 ഓളം പ്രതിഷേധക്കാര്‍ക്കെതിരെയും പൊലീസ് കേസെടുത്തു. നിഖിൽ ത്യാഗിയുടെ കടയ്ക്ക് നേരെ ആക്രമണം നടത്തിയെന്ന കുറ്റവും പ്രതിഷേധക്കാര്‍ക്കെതിരെ ചുമത്തിയിട്ടുണ്ട്.