ദത്ത് വിവാദത്തിൽ അമ്മയുടെ പരാതിയിൽ കുഞ്ഞിനെ അന്വേഷണസംഘത്തിന് വിട്ടുകിട്ടിയതായി സൂചന. തിരുവനന്തപുരം പേരൂര്‍ക്കടയിലെ അനുപമ നല്‍കിയ പരാതിയെത്തുടര്‍ന്നാണ് പൊലീസ് സംഘം ആന്ധ്രപ്രദേശില്‍ നിന്ന് കുഞ്ഞിനെ ഏറ്റെടുത്തത്. ഇന്നലെ രാവിലെ ആന്ധ്രപ്രദേശിലെത്തിയ നാലംഗ സംഘത്തിന് വൈകിട്ടോടെ കുഞ്ഞിനെ കൈമാറിയെന്നാണ് റിപ്പോർട്ടുകൾ. ദത്ത് നൽകിയ കുഞ്ഞിനെ അഞ്ച് ദിവസത്തിനകം കേരളത്തിലെത്തിക്കാൻ ചൈൽഡ് വെൽഫെയർ കമ്മിറ്റി വ്യാഴാഴ്ച ഉത്തരവിട്ടിരുന്നു. കുഞ്ഞിനെ തിരുവനന്തപുരത്ത് എത്തിച്ചാൽ ജില്ലാ ചൈൽഡ് പ്രൊട്ടക്ഷൻ ഓഫീസർക്കായിരിക്കും സംരക്ഷണ ചുമതല. അനുപമയുടെയും അജിത്തിന്റെയും കുഞ്ഞിന്റെയും ഡി എൻഎ പരിശോധനക്കായി സാമ്പിൾ ശേഖരിക്കും. രാജീവ് ഗാന്ധി ഇൻസ്റ്റിട്ട്യുട്ട് ഫോർ ബയോടെക്നോളജിയിലെ പരിശോധന ഫലം ലഭിക്കുന്ന മുറക്ക് തുടർ നടപടികളിലേക്ക് കടക്കും.
ENGLISH SUMMARY:Anupama’s baby was handed over
You may also like this video
