ഇന്ത്യൻ കരസേനയുടെ ശക്തി വർദ്ധിപ്പിക്കുന്നതിന്റെ ഭാഗമായി അമേരിക്കയിൽ നിന്ന് വാങ്ങിയ അപ്പാച്ചെ എ എച്ച്-64ഇ ഹെലികോപ്റ്ററുകളുടെ ആദ്യ ബാച്ച് ഈ മാസം (ജൂലൈ 2025) ലഭിക്കും. 60 കോടി ഡോളറിന്റെ കരാറിന്റെ ഭാഗമായാണ് ആറ് അപ്പാച്ചെ ഹെലികോപ്റ്ററുകൾ വാങ്ങാൻ തീരുമാനിച്ചത്.
2020‑ൽ ഒപ്പിട്ട കരാർ പ്രകാരം മൂന്ന് ബാച്ചുകളായി ആറ് ഹെലികോപ്റ്ററുകൾ 2024 മെയ്-ജൂൺ മാസങ്ങളിൽ ഇന്ത്യയിൽ എത്തുമെന്നായിരുന്നു പ്രതീക്ഷിച്ചിരുന്നത്. ഇതിലെ ആദ്യത്തെ ബാച്ചാണ് ഈ മാസം വരുമെന്ന് അറിയിച്ചത്. അമേരിക്കയുടെ ഭാഗത്തുള്ള സാങ്കേതിക പ്രശ്നങ്ങളാണ് വിതരണത്തിന് കാലതാമസമുണ്ടാക്കിയതെന്ന് പ്രതിരോധ മന്ത്രാലയം വ്യക്തമാക്കി. അടുത്ത ആഴ്ച എത്തുമെന്ന് പ്രതീക്ഷിക്കുന്ന ആദ്യ ബാച്ചിൽ മൂന്ന് ഹെലികോപ്റ്ററുകൾ ഉണ്ടാകും. അവശേഷിക്കുന്ന മൂന്നെണ്ണം ഈ വർഷം അവസാനം എത്തുമെന്നും പ്രതീക്ഷിക്കുന്നു.