മദ്യപാനത്തിനിടെ അതിഥി തൊഴിലാളികള് തമ്മില് തര്ക്കം. കുന്നംകുളത്ത് സംഘര്ഷത്തിനിടെ ഒരാള് കുത്തേറ്റ് മരിച്ചു. ഒറീസ സ്വദേശിയായ 18കാരന് പിന്റു ആണ് മരിച്ചത്. മദ്യലഹരിയിലുണ്ടായ തര്ക്കമാണ് കൊലപാതകത്തിലേക്ക് നയിച്ചത് എന്നാണ് പ്രാഥമിക വിവരം.
മദ്യപാനത്തിനിടെയുണ്ടായ സംഘത്തില് ഒരാൾ ബിയര് കുപ്പി പൊട്ടിച്ച് പിന്റുവിന്റെ ശരീരമാകെ കുത്തുകയായിരുന്നു. പരിക്കേറ്റ പിന്റുവിനെ ഉടന് ആശുപത്രിയില് എത്തിച്ചെങ്കിലും മരിച്ചു. സംഭവത്തില് കുന്നംകുളം പൊലീസ് നാലുപേരെ കസ്റ്റഡിയിലെടുത്തു. പൊലീസിനെ കണ്ടതോടെ കൂട്ടത്തിലൊരാള് ഓടി രക്ഷപ്പെട്ടിരുന്നു. രക്ഷപ്പെട്ട ആള്ക്കായി പൊലീസ് അന്വേഷണം ആരംഭിച്ചു.