സ്കൂള്‍ ബാഗിനെച്ചൊല്ലിയുണ്ടായ തര്‍ക്കത്തിനുപിന്നാലെ സഹപാഠിയെ പെട്രോള്‍ ഒഴിച്ച് കത്തിച്ച് വിദ്യാര്‍ത്ഥി. ഉത്തർപ്രദേശിലെ അലിഗഡിലാണ് സംഭവം. അലിഗഡ് മുസ്‌ലിം യൂണിവേഴ്‌സിറ്റി കീഴിലുള്ള ചെയ്‌തിരിക്കുന്ന രാജ മഹേന്ദ്ര പ്രതാപ് സിംഗ് എഎംയു സിറ്റി സ്‌കൂളിൽ ചൊവ്വാഴ്ചയാണ് സംഭവമുണ്ടായത്. സഹപാഠി സ്കൂള്‍ ബാഗ് നശിപ്പിച്ചുവെന്നും ഇതില്‍ നിന്നുള്ള വൈരാഗ്യമാണ് ഇത്രയും ക്രൂരകൃത്യം നടത്താന്‍ പ്രേരിപ്പിക്കപ്പെട്ടതെന്നും പൊലീസിനോട് വിദ്യാര്‍ത്ഥി വെളിപ്പെടുത്തി.
അവരിൽ ഒരാളുടെ ബാഗ് മറ്റേയാൾ കേടുവരുത്തിയതിനെ തുടർന്ന് രണ്ട് സഹപാഠികളും തമ്മിൽ തർക്കമുണ്ടായി. തുടർന്ന് ബാഗ് കേടായ കുട്ടി കാമ്പസിൽ പാർക്ക് ചെയ്തിരുന്ന മോട്ടോർ സൈക്കിളിൽ നിന്ന് പെട്രോൾ എടുത്ത് സഹപാഠിയുടെ മേൽ ഒഴിച്ച് തീകൊളുത്തുകയായിരുന്നു.
25 ശതമാനം പൊള്ളലേറ്റ വിദ്യാര്‍ത്ഥിയെ ആശുപത്രിയില്‍ പ്രവേശിപ്പിച്ചിരിക്കുകയാണ്. കുട്ടിയുടെ നില തൃപ്തികരമാണ്.
English Summary: Argument over school bag: 10th class student burns classmate by pouring petrol on him
You may also like this video
