കർണാടകയില്‍ കുഞ്ഞിനെ മുതലകൾ ഉള്ള അരുവിയിലേക്ക് വലിച്ചെറിഞ്ഞ് അമ്മ. ദാന്‍ദെലി പൊലീസ് സ്റ്റേഷന്‍ പരിധിയിലാണ് സംഭവം. പൊലീസ് എത്തി കുഞ്ഞിനെ രക്ഷിക്കാൻ ശ്രമിച്ചെങ്കിലും ലഭിച്ചത് പാതി ഭക്ഷിച്ച കുട്ടിയുടെ ശരീരം മാത്രമായിരുന്നു. കുടുംബ പ്രശ്‌നത്തെ തുടര്‍ന്നാണ് യുവതി മുതലകളുള്ള അരുവിയിലേയ്ക്ക് കുഞ്ഞിനെ എറിഞ്ഞത്.
ശനിയാഴ്ച വൈകുന്നേരം ഏഴുമണിയോടെയാണ് 23 വയസ്സുകാരിയായ യുവതി ആറ് വയസ്സുള്ള കുഞ്ഞിനെ വീടിന് പിന്‍വശത്തുള്ള അരുവിയിലേയ്ക്ക് വഴിച്ചെറിഞ്ഞത്. ഭര്‍ത്താവുമായുള്ള തര്‍ക്കത്തിന് പിന്നാലെയാണ് ക്രൂരത. ദാന്‍ദെലി മുതല സങ്കേതത്തിനോട് ചേര്‍ന്നാണ് ഇവരുടെ വീട് സ്ഥിതി ചെയ്യുന്നത്. അതുകൊണ്ട് തന്നെ അരുവിയിലും ധാരാളം മുതലകലുണ്ടായിരുന്നു.
ഞായറാഴ്ച രാവിലെയാണ് പാതിഭക്ഷിച്ച നിലയിലുള്ള കുട്ടിയുടെ മൃതദേഹം രക്ഷാപ്രവര്‍ത്തകര്‍ അരുവിയിൽ നിന്നും കണ്ടെത്തിയത്. രാത്രി വെളിച്ചക്കുറവ് മൂലം കുട്ടിയെ വീണ്ടെടുക്കാന്‍ ഇവർക്ക് സാധിച്ചിരുന്നില്ല. സംഭവത്തിൽ മാതാപിതാക്കൾക്കെതിരെ പൊലീസ് കേസെടുത്തു.
English Summary:Argument with husband; The mother threw the baby into a crocodile-infested creek and found half-eaten body parts
You may also like this video
