ജമ്മു കശ്മീരിലെ പൂഞ്ച് ജില്ലയിൽ സൈന്യവുമായുണ്ടായ ഏറ്റുമുട്ടലിൽ നാല് പാക് ഭീകരർ കൊല്ലപ്പെട്ടു. സുരൻകോട്ട് ബെൽറ്റിലെ സിന്ധാര ടോപ്പ് ഏരിയയിൽ സൈന്യവും പൊലീസും സംയുക്തമായി നടത്തിയ ഓപ്പറേഷനിലാണ് ഭീകരരെ വധിച്ചത്.
ഭീകരരുടെ സാന്നിധ്യമുള്ളതായി ഇന്റലിജൻസ് റിപ്പോർട്ടിനെ തുടർന്നായിരുന്നു സൈന്യം തിരച്ചിൽ നടത്തിയത്. തിങ്കളാഴ്ച രാത്രി 11.30 ഓടെ സൈന്യവും ഭീകരരും തമ്മിൽ വെടിവെയ്പ്പുണ്ടായി.
ഇന്ന് പുലർച്ചെ അഞ്ചുമണിയോടെ വെടിവെയ്പ്പ് പുനരാരംഭിച്ചു. ഏറ്റുമുട്ടലില്‍ നാല് തീവ്രവാദികൾ കൊല്ലപ്പെടുകയും ചെയ്തതായി ജമ്മു സോൺ എഡിജിപി മുകേഷ് സിങ് പറഞ്ഞു. ഭീകരരില്‍ നിന്ന് നാല് എകെ-47 തോക്കുകൾ, രണ്ട് പിസ്റ്റളുകൾ തുടങ്ങിയവ പിടിച്ചെടുത്തു. സിന്ധാര മേഖലയില്‍ ഡ്രോണുകള്‍ വിന്യസിച്ച് നിരീക്ഷണം ശക്തമാക്കിയിട്ടുണ്ട്.
English Summary: Army kills four Pakistani terrorists in Kashmir encounter
You may also like this video
