ജമ്മു കശ്മീരിലെ രജൗരിയിൽ നിയന്ത്രണ രേഖയ്ക്ക് സമീപം കുഴിബോംബ് പൊട്ടിത്തെറിച്ച് സൈനികന് പരിക്കേറ്റു. റൈഫിൾമാൻ ഗുരുചരൺ സിങ്ങിനാണ് പട്രോളിങ്ങിനിടെ പരിക്കേറ്റത്. അബദ്ധത്തിൽ ലാൻഡ് മൈനിൽ ചവിട്ടുകയായിരുന്നെന്ന് അധികൃതർ അറിയിച്ചു. സിങ്ങിനെ ഉടൻ സൈനിക ആശുപത്രിയിലേക്ക് മാറ്റി. പിന്നീട് വിദഗ്ധ ചികിത്സയ്ക്കായി ഉധംപൂരിലെ കമാൻഡ് ആശുപത്രിയിലേക്ക് മാറ്റി.
നുഴഞ്ഞുകയറ്റ പ്രതിരോധ തന്ത്രത്തിന്റെ ഭാഗമായി സൈന്യം പലയിടങ്ങളിലും കുഴിബോംബുകള്‍ സ്ഥാപിച്ചിട്ടുണ്ട്. ചിലപ്പോൾ മഴ കാരണം കുഴിബോംബുകൾക്ക് സ്ഥാനഭ്രംശം സംഭവിക്കാറുണ്ടെന്ന് അധികൃതർ വ്യക്തമാക്കി.
English Summary: Army soldier injured in landmine explosion in Jammu and Kashmir’s
You may also like this video
