നിഖിൽ തോമസിനെതിരായ വ്യാജ ഡിഗ്രി ആരോപണത്തില്‍ വിശദീകരണവുമായി എസ്എഫ്ഐ സംസ്ഥാന സെക്രട്ടറി പി.എം ആര്‍ഷോ. നിഖിൽ ഹാജരാക്കിയ ഡിഗ്രി സർട്ടിഫിക്കറ്റെല്ലാം ഞങ്ങൾ പരിശോധിച്ചെന്നും എല്ലാം ഒറിജിനലാണെന്നും എസ്എഫ് ഐ സംസ്ഥാന സെക്രട്ടറി പി എം ആർഷോ വാർത്താ സമ്മേളനത്തിൽ വ്യക്തമാക്കി.
രേഖകള്‍ എല്ലാം യഥാര്‍ഥ്യമാണ്. വ്യാജരേഖയെന്നത് തെറ്റായ പ്രചാരണമാണ്. നിഖില്‍ തോമസ് പരീക്ഷയെഴുതിയാണ് പാസായത്. കായംകുളം കോളേജില്‍ പഠിച്ച ഡിഗ്രി കോഴ്‌സ് നിഖില്‍ റദ്ദാക്കിയിരുന്നുവെന്നും ആര്‍ഷോ മാധ്യമപ്രവര്‍ത്തകരോട് പറഞ്ഞു. നിഖിലിന്റെ ഡോക്യുമെന്റുകള്‍ പരിശോധിച്ച ശേഷമായിരുന്നു ആര്‍ഷോയുടെ പ്രതികരണം.
വ്യാജ ബിരുദ സർട്ടിഫിക്കറ്റ് വിവാദത്തിൽ കുറ്റാരോപിതനായ നിഖിൽ തോമസ് എസ്എഫ്ഐ സംസ്ഥാന നേതൃത്വത്തെ നേരിട്ടെത്തി കണ്ടാണ് തന്റെ കൈവശമുള്ള ബികോം സർട്ടിഫിക്കറ്റ് ഹാജരാക്കിയത്. ആർഷോ അടക്കമുള്ള നേതാക്കളാണ് നിഖിൽ തോമസ് ഹാജരാക്കിയ സർട്ടിഫിക്കറ്റുകൾ പരിശോധിച്ചത്. ഇതിന് ശേഷമായിരുന്നു പ്രതികരണം.
English Summary: arsho about alappuzha nikhil-thomas degree certificates
You may also like this video
