ഡല്‍ഹി മദ്യനയ അഴിമതിക്കേസില്‍ എന്‍ഫോഴ്‌സ്‌മെന്റ് ഡയറക്ടറേറ്റിനും സിബിഐക്കുമെതിരെ ഡല്‍ഹി മുഖ്യമന്ത്രി അരവിന്ദ് കെജ്‌രിവാള്‍. കേസില്‍ എന്‍ഫോഴ്‌സ്‌മെന്റ് ഡയറക്ടറേറ്റും സിബിഐയും പറയുന്നത് കള്ളമാണെന്ന് കെജ്‌രിവാള്‍ പറഞ്ഞു. കേന്ദ്രം തന്നെ രാഷ്ട്രീയമായി വേട്ടയാടുകയാണ്. കേസില്‍ തന്റെ പേര് പറയിപ്പിക്കാനാണ് അന്വേഷണ സംഘത്തിന്റെ നീക്കമെന്നും അരവിന്ദ് കെജ്‌രിവാള്‍ പറഞ്ഞു. നൂറുകോടി രൂപയുടെ അഴിമതി ആരോപിക്കുന്ന അന്വേഷണ സംഘം ഇതുവരെ ഒരു രൂപ പോലും പിടിച്ചെടുത്തില്ല. ഇതിനായി എത്രതവണ അന്വേഷണ സംഘം റെയ്ഡ് നടത്തിയെന്നും കെജ്‌രിവാള്‍ ചോദിച്ചു.
മനീഷ് സിസോദിയയെയും തന്നെയും കേസില്‍പ്പെടുത്തുക എന്ന കേന്ദ്രസര്‍ക്കാര്‍ അജന്‍ഡയാണ് ഏജന്‍സികള്‍ നിര്‍വഹിക്കുന്നതെന്നും കേജ്‍രിവാള്‍ അരോപിക്കുന്നു. ഡല്‍ഹി മദ്യനയ അഴിമതിക്കേസില്‍ ചോദ്യം ചെയ്യലിന് ഹാജരാകണമെന്നാവശ്യപ്പെട്ട് കെജ്‌രിവാളിന് സിബിഐ നോട്ടിസ് അയച്ചിരുന്നു. ചോദ്യം ചെയ്യലിന് നാളെ രാവിലെ പതിനൊന്ന് മണിക്ക് ഹാജരാകണമെന്നാണ് ആവശ്യം.
English Summary: arvind kejriwal against cbi and enforcement directorate-
You may also like this video
