ഡല്‍ഹി മദ്യ അഴിമതിക്കേസില്‍ അരവിന്ദ് കെജരിവാൾ ഇഡിക്ക് മുന്നില്‍ ഹാജരായില്ല. ഇന്ന് രാവിലെ 11 മണിക്ക് ചോദ്യം ചെയ്യലിന് എത്താനാണ് നിർദ്ദേശം നല്‍കിയത്. സംഭവത്തിൽ വൻ പ്രതിഷേധത്തിന് എഎപി തയ്യാറെടുക്കുകയാണ്. തെരഞ്ഞെടുപ്പ് പ്രചാരണത്തിനായി കെജരിവാള്‍ ഇന്ന് മധ്യപ്രദേശിലേക്ക് പോകും. ചോദ്യം ചെയ്യലിന് ഹാജരാകണമെന്നുള്ള നോട്ടീസ് നിയമവിരുദ്ധമാണെന്ന് കാണിച്ച് കെജരിവാള്‍ ഇഡിക്ക് കത്തെഴുതി.
ഡല്‍ഹി തൊഴില്മന്ത്രിയുടെ വീട്ടിൽ ഇ ഡി റെയ്‌ഡ് നടക്കുകയാണ്. കെജരിവാളിനെ ചോദ്യം ചെയ്യുന്നതിനായി അന്വേഷണസംഘം ചോദ്യാവലിയും തയ്യാറാക്കി കഴിഞ്ഞു. 100 കോടി പാർട്ടിക്ക് കിട്ടിയതിന് തെളിവുണ്ടെന്ന് ഇഡി അറിയിച്ചു. അതേസമയം കെജരിവാളിന് നിയമനടപടിയിൽ നിന്ന് ഒളിച്ചോടാനാകില്ലെന്നാണ് ബിജെപി എംപി മനോജ് തിവാരി പറഞ്ഞത്.
English Summary: Arvind Kejriwal will not appear before ED
You may also like this video
