ദിവസങ്ങള്‍ നീണ്ടു നിന്ന അനിശ്ചിതത്വങ്ങള്‍ക്കൊടുവില്‍ തന്റെ വളര്‍ത്തുനായ സൈറയുമായി ആര്യ ദേവികുളത്തെ വീട്ടിലെത്തി. ഇന്ന് രാവിലെയാണ് ആര്യ വീട്ടിലെത്തിയത്. വ്യാഴാഴ്ച ഡല്‍ഹിയിലെത്തിയ ആര്യക്ക് വിമാനത്തില്‍ നായയുമായി യാത്ര ചെയ്യാന്‍ കഴിഞ്ഞില്ല. കേരളാ ഹൗസില്‍ തങ്ങിയ ഇരുവരും വെള്ളിയാഴ്ച ഉച്ചയോടെയാണ് കൊച്ചിയിലെത്തിയത്. അവിടെ നിന്നും കാറില്‍ മാതാപിതാക്കള്‍ക്കൊപ്പം ശനിയാഴ്ച വീട്ടിലെത്തി.
കഴിഞ്ഞ 27നാണ് ആര്യ തന്റെ നായ സൈറയുമായി ഉക്രെയ്‌നിലെ വിന്നിറ്റ്‌സിയയില്‍ നിന്നും നാട്ടിലേക്ക് രക്ഷപ്പെട്ടത്. അതിര്‍ത്തി വരെ വാഹനത്തിലെത്തിയ ശേഷം 12 കിലോമീറ്ററിലധികം ദൂരം നടന്നാണ് ആര്യ റൊമാനിയന്‍ അതിര്‍ത്തി കടന്നത്. വിന്നിറ്റ്‌സിയയിലെ മെഡിക്കല്‍ യൂണിവേഴ്‌സിറ്റിയില്‍ രണ്ടാം വര്‍ഷ വിദ്യാര്‍ത്ഥിനിയാണ് ആര്യ.
English summary; Arya came home to Devikulam with Cyra
You may also like this video;
