ആഡംബര കപ്പലിലെ ലഹരിമരുന്ന് കേസിൽ ആര്യൻ ഖാനെ എൻസിബി ഇന്ന് ചോദ്യം ചെയ്തേക്കും. ഇന്നലെ ചോദ്യം ചെയ്യലിന് ഹാജരാകണമെന്നാവശ്യപ്പെട്ട് എൻസിബി സമൻസ് അയച്ചിരുന്നെങ്കിലും പനി ആയതിനാൽ എത്താൻ കഴിയില്ലെന്ന് അറയിച്ചിരുന്നു. അതേസമയം കേസിലെ സാക്ഷി പ്രഭാകർ സെയിലിനും ഇന്ന് ഉച്ചയ്ക്ക് 2.30ന് ഹാജരാകാനാവശ്യപ്പെട്ട് പ്രത്യേക അന്വേഷണ സംഘം സമൻസ് അയച്ചിരുന്നു.
സമീർ വാംഖഡെയ്ക്കെതിരെ ഗുരുതര ആരോപണങ്ങൾ ഉന്നയിച്ച പ്രഭാകർ സെയിലിനെ ആദ്യമായാണ് എൻസിബി ചോദ്യം ചെയ്യുന്നത്. പ്രതിപ്പട്ടികയിലുള്ള അർബാസ് മർച്ചന്റിനെ ഇന്നലെ ചോദ്യം ചെയ്തിരുന്നു. കേസിൽ ജാമ്യം കിട്ടിയ ആര്യൻ ഖാൻ ഒക്ടോബർ 30 നാണ് ജയിൽ മോചിതനായത്. എല്ലാ വെള്ളിയാഴ്ചയും എൻസിബി ഓഫീസിലെത്തി ഒപ്പിടണമെന്നതടക്കം 14 വ്യവസ്ഥകൾ നൽകിയാണ് ബോബെ ഹൈക്കോടതി ജാമ്യം നല്‍കിയത്.
ENGLISH SUMMARY:Aryan Khan may be questioned by NCB today
You may also like this video
