വന്ദേഭാരത് ട്രെയിനിന്റെ മുൻഭാഗം തകര്‍ന്ന സംഭവത്തില്‍ കന്നുകാലികളുടെ ഉടമകള്‍ക്കെതിരെ കേസെടുത്തു. റയില്‍വേ പ്രൊട്ടഷൻ ഫോഴ്സാണ് കേസെടുത്തത്. ഇന്നലെയാണ് റയില്‍വേ ട്രാക്കില്‍ നിന്നിരുന്ന പോത്തുകളെ ഇടിച്ച് മുംബൈ-ഗാന്ധിനഗര്‍ ട്രെയിനിന്റെ മുൻഭാഗം തകര്‍ന്നത്.
അഹമ്മദാബാദിലെ വത്വ, റയില്‍വേ സ്റ്റേഷനുകള്‍ക്കിയില്‍ ഇന്നലെ രാവിലെ 11.15 നാണ് അപകടം നടക്കുന്നത്. അപകടത്തില്‍ നാല് പോത്തുകള്‍ ചത്തു. റയില്‍വേ ട്രാക്കിലിറങ്ങിയ പോത്തുകളുടെ ഉടമകൾക്കെതിരെ ആർപിഎഫ് എഫ്ഐആർ ഫയൽ ചെയ്തെന്ന് അഹമ്മദാബാദ് ഡിവിഷനിലെ ഉദ്യോഗസ്ഥന്‍ ജിതേന്ദ്ര കുമാർ ജയന്ത് പറഞ്ഞു. എന്നാൽ പോത്തുകളുടെ ഉടമകളെ കണ്ടെത്താൻ റയിൽവേ പൊലീസിന് ഇതുവരെ കഴിഞ്ഞിട്ടില്ലെന്നും അതിനുള്ള ശ്രമങ്ങൾ തുടരുകയാണെന്നും അദ്ദേഹം കൂട്ടിച്ചേർത്തു.
English Summary: case filed against buffalo owners hit by Vande Bharat express
You may also like this video
