പഞ്ചാബിലുണ്ടായ വിജയത്തെ തുടര്‍ന്ന് ആംആദ്മി പാര്‍ട്ടി ഗുജറാത്ത്, ഹിമാചല്‍ പ്രദേശ് എന്നീ സംസ്ഥാനങ്ങളില്‍ അധികാരത്തില്‍ എത്തുകയെന്ന ലക്ഷ്യത്തോടെ നിയമസഭാ തെരഞ്ഞെടുപ്പുകളുടെ പ്രചരണത്തിന് തുടക്കം കുറിക്കുന്നു.
ഏപ്രില്‍ ആദ്യവാരം തന്നെ പ്രചരണത്തിന് തുടക്കം കുറിക്കുന്നു. ഗുജറാത്ത്, ഹിമാചല്‍ പ്രദേശ് എന്നീ സംസ്ഥാനങ്ങളില്‍ ബിജെപിയും, കോണ്‍ഗ്രസും തമ്മിലാണ് പ്രധാനമത്സരം. ബിജെപി ഉയര്‍ത്തുന്ന വര്‍ഗീയതെ നേരിടാന്‍ കോണ്‍ഗ്രസിനു കഴിയാത്ത സാഹചര്യത്തില്‍ ആംആദ്മി ഏറെ പ്രതീക്ഷയിലാണ്. ഗുജറാത്തില്‍ ബിജെപി സ്ഥിരമായി വിജയിക്കുന്നതിനു കാരണം ഇതു തന്നെയാണ് ബിജെപിക്ക് ബദലായി മറ്റൊരു രാഷട്രീയം സംവിധാനം ഇല്ലാത്തതാണ്.
കോണ്‍ഗ്രസില്‍ ജനങ്ങള്‍ക്കുള്ള വിശ്വാസം നഷ്ടമായിരിക്കുന്നു.ഡൽഹി മുഖ്യമന്ത്രിയും ആം ആദ്മി പാർട്ടി ദേശീയ കൺവീനറുമായ അരവിന്ദ് കെജ്‌രിവാളും പഞ്ചാബ് മുഖ്യമന്ത്രി ഭഗവന്ത് മാനും ഏപ്രിൽ രണ്ടിന് ഗുജറാത്തിലെ അഹമ്മദാബാദിൽ റോഡ്‌ഷോ നടത്തും.
3 ന് ഗുജറാത്ത് ഘടകത്തിലെ പാർട്ടി നേതാക്കളുമായും കെജ്‌രിവാൾ കൂടിക്കാഴ്ച നടത്തും. കൂടാതെ,ഏപ്രിൽ 6 ന് ഹിമാചൽ പ്രദേശിലെ മാണ്ഡിയിൽ കെജ്‌രിവാളും മാനും തിരംഗയാത്രനടത്തും.ഗുജറാത്തിലെയും ഹിമാചൽ പ്രദേശിലെയും നിയമസഭാ തിരഞ്ഞെടുപ്പ് ഈ വർഷംഅവസാനം നടക്കും.
English Sumamry: Assembly elections in Gujarat and Himachal Pradesh: Aam Aadmi Party will launch its campaign in the first week of April
You may also like this video:
