ന്യൂയോർക്കിലെ സൂപ്പർമാർക്കറ്റിലുണ്ടായ വെടിവയ്പ്പിൽ പത്ത് പേർ കൊല്ലപ്പെട്ടു. നിരവധി പേർക്ക് പരുക്കേറ്റതായും റിപ്പോര്‍ട്ടുകള്‍ പറയുന്നു. പട്ടാള വേഷത്തിലെത്തിയ തോക്കുധാരിയാണ് ബഫലോയിലെ സൂപ്പർമാർക്കറ്റിൽ ആളുകൾക്ക് നേരെ വെടിയുതിർത്തത്.
അക്രമി സൂപ്പർമാർക്കറ്റിലേക്ക് ആദ്യം കയറുകയും ശേഷം പുറത്തിറങ്ങി വാഹനങ്ങൾ പാർക്ക് ചെയ്യുന്നതിന് സമീപമെത്തി ആളുകൾക്ക് നേരെ വെടിയുതിർക്കുകയുമായിരുന്നെന്ന് പൊലീസ് പറഞ്ഞു. കൊല്ലപ്പെട്ടവരിൽ ഒരാൾ സ്ഥാപനത്തിൽ സെക്യൂരിറ്റി ജോലി ചെയ്യുന്ന ഉദ്യോഗസ്ഥനാണ്.
അന്വേഷണം പ്രാരംഭഘട്ടത്തിലാണെന്നും അക്രമിയുടെ ഉദ്ദേശം വ്യക്തമായിട്ടില്ലെന്നും പൊലീസ് പറഞ്ഞു. അക്രമിയെ കസ്റ്റഡിയിലെടുത്തിട്ടുണ്ട്.
English summary;At least 10 people have been killed in a shooting at a New York supermarket
You may also like this video;
