തെക്കന്‍ ബഗ്ലാദേശില്‍ ജലകത്തിയില്‍ കപ്പലിന് തീ പിടിച്ച് 30 പേര്‍ മരിച്ചു. തീ പിടുത്തത്തില്‍ 200 ഓളം പേര്‍ക്ക് പൊള്ളലേല്‍ക്കുകയും ചെയ്തു. ഇവരെ പ്രാദേശിക ആശുപത്രികളില്‍ പ്രവേശിപ്പിച്ചു. സംഭവസ്ഥലത്തുനിന്ന് 37 മൃതദേഹങ്ങള്‍ കണ്ടെടുത്തതായി അധികൃതര്‍ അറിയിച്ചു.
ബര്‍ഗുണയിലേക്കുള്ള എംവി അവിസാന്‍ കപ്പല്‍ പുലര്‍ച്ചെ 3 മണിയോടെ ഡാപ്ഡാപിയ പ്രദേശത്ത് എത്തിയപ്പോഴാണ് തീ പിടുത്തമുണ്ടായതെന്ന് പൊലീസും അഗ്നിശമന സേനയും പറഞ്ഞു.
തീപിടുത്തമുണ്ടായ കപ്പലില്‍ നിന്ന് ചാടി രക്ഷപ്പെടാന്‍ ശ്രമിക്കവെ ചിലര്‍ മുങ്ങിമരിച്ചതായി അധികൃതര്‍ അറിയിച്ചു. 500 പേര്‍ കപ്പലിലുണ്ടായിരുന്നതായാണ് വിവരം.
English Summary: At least 30 people have been killed after a ferry caught fire in southern Bangladesh
You may like this video also
