ഉക്രെയ്ന്‍ പ്രസിഡന്റ് വ്ലാദിമിര്‍ സെലന്‍സ്‌കി രഹസ്യ കേന്ദ്രത്തിലേയ്ക്ക് മാറി. സൈന്യം കീവിലേയ്ക്ക് കൂടുതല്‍ അടുത്തതോടെയാണ് സെലന്‍സ്‌കി ബങ്കറിലേയ്ക്ക് മാറിയത്. എന്നാല്‍ അദ്ദേഹം തലസ്ഥാനം വിട്ടുപോയെന്നും വാര്‍ത്തകളുണ്ട്. വിമാനപാത അടച്ചിരിക്കുകയാണെങ്കിലും സുലാനി വിമാനത്താവളത്തില്‍ നിന്ന് അദ്ദേഹത്തെയും വഹിച്ചുള്ള വിമാനം പറന്നുവെന്നാണ് വിവരം. നേരത്തെ ഇറ്റാലിയന്‍ പ്രധാനമന്ത്രി മരിയോ ദ്രാഗി രാവിലെ 9.30 ന് പരസ്പരം സംസാരിക്കാമെന്ന് ധാരണയായിരുന്നതിനെ തുടര്‍ന്ന് സെലന്‍സ്‌കിയെ ഫോണില്‍ ബന്ധപ്പെടാന്‍ ശ്രമിച്ചുവെങ്കിലും ലഭിച്ചില്ല. അതിനു മുമ്പ് പുടിനുമായി കൂടിയാലോചനയ്ക്ക് തയാറാണെന്ന സെലന്‍സ്‌കിയുടെ അറിയിപ്പ് പുറത്തുവന്നിരുന്നു. ഒരു മേശയ്ക്കുചുറ്റുമിരുന്ന് ചര്‍ച്ച ചെയ്യണമെന്നും ജനങ്ങളെ കൊല്ലുന്നത് അവസാനിപ്പിക്കണമെന്നുമായിരുന്നു അദ്ദേഹത്തിന്റെ അറിയിപ്പ്.
English Summary: At the Selensky Secret Center
You may like this video also
