ഞണ്ട് കറി കഴിച്ചു, പിന്നാലെ അസ്വാസ്ഥ്യം; ചികിത്സയിലായിരുന്ന യുവാവ് മരിച്ചു

എറണാകുളത്ത് ഞണ്ട് കറി കഴിച്ചുണ്ടായ അസ്വസ്ഥതയെ തുടർന്ന് ചികിത്സയിലായിരുന്ന യുവാവ് മരിച്ചു. ചേപ്പനം കുരീക്കൽ വീട്ടിൽ എൽജിൻ ജൂഡാണ് (33) മരിച്ചത്. ശനി രാത്രി ഞണ്ട്കറി കഴിച്ച്‌ ദേഹാസ്വാസ്ഥ്യമുണ്ടായതോടെ ആശുപത്രിയിൽ ചികിത്സ നൽകിയെങ്കിലും ബുധൻ ഉച്ചയോടെ മരിച്ചു. സംസ്‌കാരം വ്യാഴം വൈകിട്ട് 4:30ന് ചാത്തമ്മ നിത്യസഹായമാതാ പള്ളി സെമിത്തേരിയിൽ. അച്ഛൻ: പരേതനായ ജൂഡ്. അമ്മ: അന്ന ജൂഡ് ഭാര്യ: നിമ്മി. മകൾ: സെറ.