പുനലൂർ താലൂക്ക് ആശുപത്രിയിൽ അത്യാഹിതവിഭാഗത്തിലെ നഴ്സിനുനേരേ ആസിഡ് ആക്രമണം നടത്തി ഭര്‍ത്താവ്. ചങ്ങനാശ്ശേരി സ്വദേശിയായ നീതുവിന് (32) നേരെയാണ് ഭർത്താവ് വെട്ടിക്കവല സ്വദേശി ബിബിൻ രാജ് ആക്രമണം നടത്തിയത്. മുഖത്തും കണ്ണിനും പൊള്ളലേറ്റ നീതുവിനെ കോട്ടയം മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. ബിബിൻ രാജിനെ പൊലീസ് കസ്റ്റഡിയിലെടുത്തു.
ഇന്നലെ വൈകിട്ട് അഞ്ച് മണിയോടെയാണ് സംഭവം. നീതുവും ഭർത്താവും ഏതാനും നാളുകളായി പിണങ്ങിക്കഴിയുകയായിരുന്നു. ഇവർക്ക് രണ്ട് മക്കളുണ്ട്. നീതുവിന്റെ കൈയിൽ നിന്ന് മക്കളുടെ ആധാർ കാർഡ് വാങ്ങാനാണ് ബിബിൻ ആശുപത്രിയിലെത്തിയത്. എന്നാല്‍ ഈ സമയം കുപ്പിയിൽ കരുതിയിരുന്ന ആസിഡ് സിറിഞ്ചിലാക്കി ഇയാള്‍ നീതുവിന്റെ മുഖത്തേക്ക് ചീറ്റിക്കുകയായിരുന്നു.
English Summary;Attack on nurse in taluk hospital; Husband who splashed acid in syringe on face in custody
You may also like this video
