സഹോദരങ്ങൾ അടങ്ങുന്ന പ്രായപൂർത്തിയാകാത്ത പെൺകുട്ടികളെ പീഡിപ്പിക്കാൻ ശ്രമിച്ച വയോധികനെ കട്ടപ്പന പൊലീസ് അറസ്റ്റ് ചെയ്തു. കട്ടപ്പന പേഴുംകവല തെക്കേൽ പാപ്പച്ചൻ (വർഗ്ഗീസ് — 76 ) ആണ് പിടിയിലായത്.കഴിഞ്ഞ ഈസ്റ്ററിന്റെ സമയത്താണ് പരിചയത്തിലുള്ള പതിമൂന്നും,ഒൻപതും വയസ്സുള്ള സഹോദരിമാരെയും,മറ്റൊരു ഒൻപതുകാരിയേയും ഇയാൾ ഉപദ്രവിച്ചത്.തുടർന്ന് പെൺകുട്ടികൾ ഇക്കാര്യം വീട്ടിൽ പറയുകയായിരുന്നു.കുട്ടികളുടെ മാതാപിതാക്കൾ ചൈൽഡ്ലൈനിൽ നൽകിയ പരാതിയെ തുടർന്ന് ഡി വൈ എസ് പി വി. എ നിഷാദ് മോന്റെ നിർദ്ദേശപ്രകാരം എസ്ഐ കെ.ദിലീപ്കുമാർ പ്രതിയെ ബുധനാഴ്ച്ച കസ്റ്റഡിയിൽ എടുക്കുകയായിരുന്നു.
പോക്സോ ആക്ട് പ്രകാരമാണ് കേസെടുത്തിരിക്കുന്നത്.എ.എസ് ഐ ഹരികുമാർ ‚സീനിയർ സിവിൽ പൊലീസ് ഓഫീസർമാരായ റ്റി.വി റെജിമോൻ ‚സുമേഷ് തങ്കപ്പൻ ‚പ്രദീപ് കെ.പി ‚സുരേഷ് ബി ആന്റോ ‚വനിതാ ഉദ്യോഗസ്ഥരായ വി.റസിയ,സന്ധ്യ ‚പ്രീതി എന്നിവരും സംഘത്തിലുണ്ടായിരുന്നു.കോടതിയിൽ ഹാജരാക്കിയ പാപ്പച്ചനെ റിമാൻഡ് ചെയ്തു.
English Summary: Attempt to molest minor girls: man
You may like this video also
