ചെങ്ങന്നൂർ ജില്ലാ ആശുപത്രിയില്‍ ഗര്‍ഭിണിയായ ഡോക്ടര്‍ക്ക് നേരെ അതിക്രമം ശ്രമം. അതിഥിത്തൊഴിലാളിയാണ് സംഭവത്തില്‍ അറസ്റ്റിലായത്. ബിഹാര്‍ സ്വദേശി അഞ്ജനി റായിയാണ് അറസ്റ്റിലായത്. ബുധനാഴ്ച രാത്രിയാണ് സംഭവം നടന്നത്. അപസ്മാര രോഗലക്ഷണങ്ങളുമായി ചികിത്സയ്ക്കെത്തിയ സരണ്‍ എന്ന അതിഥിത്തൊഴിലാളിക്കൊപ്പമെത്തിയ അഞ്ജനി റായി എന്നയാളാണ് ആശുപത്രിയിലെത്തിയത്. അത്യാഹിത വിഭാഗത്തില്‍ ആ സമയം ഡ്യൂട്ടിയിലുണ്ടായിരുന്ന കാഷ്വാലിറ്റി മെഡിക്കല്‍ ഓഫിസറാണ് രോഗിക്ക് ചികിത്സ നല്‍കിയത്.
ഇയാള്‍ക്ക് ബോധം തെളിഞ്ഞപ്പോള്‍ തുടർ ചികില്‍സയ്ക്കായി മെഡിക്കല്‍ കോളജ് ആശുപത്രിയിലേക്ക് കൊണ്ടുപോകണമെന്ന് ഡോക്ടർ നിര്‍ദേശിച്ചു. രോഗിയുടെ കൂടെ എത്തിയവര്‍ ഡോക്ടറുമായി തര്‍ക്കിക്കുകയും ചെയ്തു. തുടർന്നാണ് അഞ്ജനി റായി ഡോക്ടറെ ആക്രമിക്കാന്‍ ശ്രമിച്ചത്. തടയാന്‍ ശ്രമിച്ച സുരക്ഷാ ജീവനക്കാര്‍ക്കും മര്‍ദനമേറ്റു. ചെങ്ങന്നൂര്‍ പൊലീസ് ആശുപത്രിയിലെത്തി അഞ്ജനി റായിയെ അറസ്റ്റ് ചെയ്യുകയായിരുന്നു.
English Summary;Attempted assault on pregnant doctor; Guest worker arrested
You may also like this video
