കലഞ്ഞൂര്‍ ഗവ. ഹയർസെക്കൻഡറി സ്കൂളിനടുത്തുള്ള ഗ്രാമീണ്‍ ബാങ്ക് എ.ടി.എമ്മില്‍ മോഷണ ശ്രമം നടത്തിയ പ്രതി പിടിയിൽ. കൂടല്‍ സ്വദേശി പ്രവീണിനെയാണ്(21) വീട്ടില്‍നിന്ന് പൊലീസ് പിടികൂടിയത്.
കഴിഞ്ഞ രാത്രി 12ഓടെയാണ് സംഭവം. കൗണ്ടറിനുള്ളില്‍ കടന്ന പ്രവീൺ എ ടി എം മെഷീന്‍ പൊളിച്ച് കവര്‍ച്ചക്ക് ശ്രമിക്കുകയായിരുന്നു. എന്നാല്‍, ഈസമയം അലാറം പ്രവര്‍ത്തിച്ചതിനെ തുടര്‍ന്ന് ബാങ്ക് അധികൃതര്‍ വിവരം അറിയുകയായിരുന്നു. സി സി ടി വി ദൃശ്യങ്ങൾ കേന്ദ്രീകരിച്ച് നടത്തിയ അന്വേഷണത്തിൽ ഇയാളെ പിടികൂടുകയായിരുന്നു. പ്രതിയെ കോടതിയില്‍ ഹാജരാക്കി റിമാന്‍ഡ് ചെയ്തു.