ആറ്റുകാല്‍ ക്ഷേത്രത്തിലെ പൊങ്കാല പ്രമാണിച്ച് മൂന്ന് ട്രെയിനുകള്‍ പ്രത്യേക സര്‍വീസ് നടത്തുമെന്ന് റയില്‍വേ. 25നാണ് ആറ്റുകാല്‍ പൊങ്കാല. മൂന്ന് സ്പെഷ്യല്‍ ട്രെയിനുകളാണ് സര്‍വീസ് നടത്തുക. 25ന്‌ എറണാകുളത്തുനിന്ന്‌ പുലർച്ചെ 1.45ന്‌ പുറപ്പെടുന്ന എറണാകുളം-തിരുവനന്തപുരം സെൻട്രൽ സ്‌പെഷ്യൽ മെമു 6.30ന്‌ തിരുവനന്തപുരം സെൻട്രലിൽ എത്തും. പുലര്‍ച്ചെ 3.30ന്‌ തിരുവനന്തപുരത്തുനിന്ന്, തിരുവനന്തപുരം സെൻട്രൽ-എറണാകുളം മെമു സ്‌പെഷ്യൽ ട്രെയിനും സര്‍വീസ് നടത്തും.
നാഗർകോവിൽ–തിരുവനന്തപുരം സെൻട്രൽ മെമു സ്‌പെഷ്യൽ നാഗർകോവിൽനിന്ന്‌ പുലർച്ചെ 2.15ന്‌ പുറപ്പെടും. ട്രെയിൻ 3.32ന്‌ തിരുവനന്തപുരം സെൻട്രലിൽ എത്തും. മംഗളൂരു സെൻട്രൽ–തിരുവനന്തപുരം സെൻട്രൽ (16348) ട്രെയിനിന്‌ പരവൂർ, വർക്കല, കടയ്‌ക്കാവൂർ എന്നിവിടങ്ങളിൽ സ്‌റ്റോപ്പുണ്ടാകും.
English Summary: Attukal Pongala: Railways with special services
You may also like this video
