ബോര്‍ഡര്‍ ഗവാസ്കര്‍ ട്രോഫിയിലെ രണ്ടാം ടെസ്റ്റിലും ടീമില്‍ മാറ്റമില്ലാതെ ഓസ്ട്രേലിയ. പെര്‍ത്തിലെ ആദ്യ മത്സരത്തില്‍ ഇന്ത്യയോട് ആതിഥേയരായ ഓസീസ് 295 റണ്‍സിന്റെ വമ്പന്‍ തോല്‍വിവഴങ്ങിയിരുന്നു. എന്നിട്ടും രണ്ടാം ടെസ്റ്റില്‍ മാറ്റം വരുത്താതെ മാനേജ്മെന്റ് ടീമിനെ പ്രഖ്യാപിക്കുകയായിരുന്നു. സെലക്ടറും പരിശീലകനുമായ ആൻഡ്രൂ മക്‌ഡൊണാള്‍ഡ് ടീമില്‍ മാറ്റമില്ലെന്ന് സ്ഥിരീകരിക്കുകയായിരുന്നു. പെര്‍ത്തില്‍ ആറ് വര്‍ഷങ്ങള്‍ക്ക് ശേഷം ഒരു ടെസ്റ്റ് മത്സരം തോറ്റുവെന്ന നാണക്കേടാണ് ഓസീസ് ടീം നേരിട്ടത്. അഡ്‌ലെയ്ഡിലാണ് രണ്ടാം ടെസ്റ്റ്. ഡിസംബര്‍ ആറ് മുതല്‍ 10 വരെയാണ് പോരാട്ടം.
ഓസ്‌ട്രേലിയന്‍ ടീം: പാറ്റ് കമ്മിന്‍സ് (ക്യാപ്റ്റന്‍), അലക്‌സ് കാരി, ജോഷ് ഹെയ്‌സല്‍വുഡ്, ട്രാവിസ് ഹെഡ്, ജോഷ് ഇംഗ്ലിസ്, ഉസ്മാന്‍ ഖവാജ, മര്‍നസ് ലാബുഷെയ്ന്‍, നതാന്‍ ലിയോണ്‍, മിച്ചല്‍ മാര്‍ഷ്, നതാന്‍ മക്‌സ്വീനി, സ്റ്റീവ് സ്മിത്ത്, മിച്ചല്‍ സ്റ്റാര്‍ക്ക്, സ്‌കോട്ട് ബോളണ്ട്.