കർണാടകയിലെ ബിദാറിലുണ്ടായ വാഹനാപകടത്തില്‍ ഏഴുപേര്‍ മരിച്ചു. ഏഴും സ്ത്രീകളാണെന്നാണ് റിപ്പോര്‍ട്ടുകള്‍. വെള്ളിയാഴ്ച വൈകിട്ടാണ് അപകടമുണ്ടായത്. അപകടത്തില്‍ 11 പേർക്ക് പരിക്കേൽക്കുകയും ചെയ്തു. ജോലി കഴിഞ്ഞ് ഓട്ടോറിക്ഷയിൽ വീട്ടിലേക്ക് മടങ്ങുകയായിരുന്ന സ്ത്രീകളാണ് അപകടത്തില്‍ മരിച്ചതെന്നാണ് വിവരം. പാർവതി (40), പ്രഭാവതി (36), ഗുണ്ടമ്മ (60), യാദമ്മ (40), ജഗ്ഗമ്മ (34), ഈശ്വരമ്മ (55), രുക്മിണി ബായി (60) എന്നിവരെ തിരിച്ചറിഞ്ഞതായി പൊലീസ് പറഞ്ഞു. പരിക്കേറ്റ 11 പേരിൽ രണ്ട് വാഹനങ്ങളിലെയും ഡ്രൈവർമാരുൾപ്പെടെ രണ്ട് പേരുടെ നില ഗുരുതരമാണെന്ന് പോലീസ് അറിയിച്ചു. സംഭവത്തിൽ കേസെടുത്ത് അന്വേഷണം നടത്തിവരികയാണ്.
English Summary: Auto and truck collide: Seven killed, 11 injured
You may also like this video
