കെഎസ്ആർടിസി ബസിടിച്ച് ഓട്ടോ യാത്രക്കാരായ വിദ്യാർത്ഥിനിയും മാതാപിതാക്കളും മരിച്ചു. പുൽപ്പറ്റ ഒളമതിൽ അക്കരമ്മൽ വീട്ടിൽ പരേതനായ മണ്ണിങ്ങച്ചാലിൽ ഗുലാംമൊയ്തീൻ ഹാജി-ഫാത്തിമക്കുട്ടി ദമ്പതികളുടെ മകൻ മുഹമ്മദ് അഷ്റഫ് (45), മുഹമ്മദ് അഷ്റഫിന്റെ ഭാര്യയും കുമ്മിണിപ്പറമ്പ് കുട്ടിഹസ്സൻ-ആയിശ ദമ്പതികളുടെ മകളുമായ സാജിദ (37), മകൾ ഫിദ (15) എന്നിവരാണ് മരിച്ചത്. ഫിദയെ മലപ്പുറം കോട്ടപ്പടി ഗവ. ഗേൾസ് ഹയർസെക്കന്ററി സ്കൂളിൽ പ്ലസ് വണ്ണിന് ചേർക്കുന്നതിനായി പോകുകയായിരുന്നു ഇവര്‍.
മലപ്പുറം-കോഴിക്കാട് പാതയിൽ മേൽമുറി മുട്ടിപ്പടിയിലാണ് അപകടം.അഷ്റഫ് ഓടിച്ചിരുന്ന ഓട്ടോറിക്ഷ നിയന്ത്രണം വിട്ട് എതിരെ വന്ന കെഎസ്ആർടിസി ബസ്സിൽ ഇടിക്കുകയായിരുന്നു. ദമ്പതികൾ തൽക്ഷണം മരിച്ചു. ഗുരുതരമായി പരിക്കേറ്റ ഫിദയെ നാട്ടുകാർ ഉടൻ മലപ്പുറം താലൂക്ക് ആശുപത്രിയിൽ പ്രവേശിപ്പിച്ചുവെങ്കിലും രക്ഷിക്കാനായില്ല.
ഏറെക്കാലം പ്രവാസജീവിതം നയിച്ച മുഹമ്മദ് അഷ്റഫ് നാലുവർഷമായി വയറിംഗ് ജോലികൾ ചെയ്തു വരികയായിരുന്നു. ഫഹ്മിദ, ഫൈഹ, അഷ്ഫഖ് എന്നിവരാണ് ദമ്പതികളുടെ മറ്റുമക്കൾ. മൃതദേഹങ്ങള്‍ നാളെ മഞ്ചേരി മെഡിക്കൽ കോളജിൽ പോസ്റ്റുമോർട്ടത്തിന് ശേഷം ബന്ധുക്കൾ ഏറ്റുവാങ്ങി പുൽപ്പറ്റ ജുമാമസ്ജിദിൽ ഖബറടക്കും.
English Summary:Autorickshaw collides with bus, tragic end for student and her parents
You may also like this video
