ഹൈബ്രിഡ് കഞ്ചാവുമായി പ്രമുഖ സിനിമ മേക്കപ്പ്മാന് പിടിയില്. ആര് ജി വയനാടന് എന്നറിയപ്പെടുന്ന രഞ്ജിത്ത് ഗോപിനാഥനാണ് കഞ്ചാവുമായി പിടിയിലായത്. വാഹന പരിശോധനയ്ക്കിടെ ഇന്ന് പുലര്ച്ചെയാണ് മൂലമറ്റം എക്സൈസ് ഇന്സ്പെക്ടര് അഭിലാഷും സംഘവുമാണ് രഞ്ജിത്തിനെ പിടികൂടിയത്.
ഇയാളില് നിന്ന് 45 ഗ്രാം കഞ്ചാവാണ് കണ്ടെടുത്തത്. എക്സൈസ് വകുപ്പിന്റെ ‘ഓപ്പറേഷന് ക്ലീന് സ്റ്റേറ്റ്’ ദൗത്യത്തിന്റെ ഭാഗമായിട്ടായിരുന്നു പരിശോധന. ലഹരി ഉപയോഗം, അക്രമം എന്നിവയുടെ പേരില് ഏറെ ചര്ച്ച ചെയ്യപ്പെട്ട ആവേശം ഉള്പ്പെടെയുള്ള സിനിമയുടെ മേക്കപ്പ് ആര്ട്ടിസ്റ്റാണ് രഞ്ജിത്ത് ഗോപിനാഥ്. പൈങ്കിളി, സൂക്ഷമ ദര്ശ്ശിനി, രോമാഞ്ചം, ജാനേമന് തുടങ്ങിയ ചിത്രങ്ങളിലും രഞ്ജിത്ത് പ്രവര്ത്തിച്ചു.
എക്സൈസ് ഇന്സ്പെക്ടര് അഭിലാഷ് കെ, അസ്സിസ്റ്റന്റ് എക്സൈസ് ഇന്സ്പെക്ടര് (ട്രേഡ്) അജിത്ത് കുമാര്, പ്രിവന്റീവ് ഓഫീസര് (ട്രേഡ്) രാജേഷ് വിആര്, സിവില് എക്സൈസ് ഓഫീസര്മാരായ അഷറഫ് അലി, ചാള്സ് എഡ്വിന് എന്നിവരുടെ നേതൃത്വത്തിലായിരുന്നു പരിശോധന.