മോശം ഫോമിനിടയിലും വിരാട് കോലിയെ പിന്തുണച്ച് പാകിസ്ഥാന്‍ ബാറ്റര്‍ മുഹമ്മദ് റിസ്വാന്. കോലി ചാമ്പ്യന്‍ പ്ലെയറാണെന്നും ശക്തമായി തിരിച്ചുവരാന്‍ പ്രാര്‍ഥിക്കുമെന്നും റിസ്വാന് പറഞ്ഞു. ‘കോലി ഒരു കഠിനാധ്വാനിയാണ്. ഓരോ കളിക്കാരനും ഇത്തരം ഘട്ടങ്ങളിലൂടെ കടന്നുപോകും. നല്ല സമയങ്ങളുണ്ട്, പിന്നീട് മോശം സമയങ്ങളുണ്ട്. എല്ലാം നല്ലതാണ്.
സെഞ്ചുറി നേടിയ കളിക്കാര്‍ പൂജ്യത്തിന് പുറത്താകുന്നു, ഇതൊരു ജീവിത ചക്രമാണ്,’റിസ്വാന് പറഞ്ഞു. കഴിഞ്ഞ രണ്ടര വര്‍ഷത്തിലേറെയായി വിരാട് കോലിയുടെ ബാറ്റില്‍ നിന്നൊരു സെഞ്ചുറി പിറന്നിട്ട്. ഐപിഎല്ലില്‍ 15 സീസണുകള്‍ക്കിടയിലെ ഏറ്റവും മോശം പ്രകടനത്തിനരികെയാണ് കോലി.
12 മത്സരങ്ങളില്‍ 19 ശരാശരിയില്‍ 216 റണ്‍സ് മാത്രമാണ് ഈ സീസണില്‍ ആര്‍സിബി മുന്‍ നായകന്റെ സമ്പാദ്യം. 58 ആണ് ഉയര്‍ന്ന സ്‌കോര്‍.
English Summary:Bad form; Kohli will make a strong comeback: Rizwan
You may also like this video
