മോശം കാലാവസ്ഥയെ തുടര്‍ന്ന് കരിപ്പൂര്‍ അന്താരാഷ്ട്ര വിമാനത്താവളത്തില്‍ വിമാനങ്ങള്‍ ഇറക്കാനായില്ല. ആറ് വിമാനങ്ങള്‍ കൊച്ചിയിലെ നെടുമ്പാശേരി അന്താരാഷ്ട്ര വിമാനത്താവളത്തില്‍ ഇറക്കി. ഗള്‍ഫ് എയറിന്റെ ഷാര്‍ജയില്‍ നിന്നുള്ള വിമാനവും ബഹറൈനില്‍ നിന്നുള്ള വിമാനവും ഖത്തര്‍ എയര്‍വേയ്‌സിന്റെ ദോഹയില്‍ നിന്നുള്ള വിമാനവും എയര്‍ ഇന്ത്യാ എക്‌സ്പ്രസിന്റെ അബുദാബിയില്‍ നിന്നുള്ള വിമാനവും എയര്‍ അറേബ്യയുടെ ഷാര്‍ജയില്‍ നിന്നുള്ള വിമാനവുമാണ് നെടുമ്പാശേരിയിലിറങ്ങിയത്.
കരിപ്പൂര്‍ വിമാനത്താവളത്തിലേത് ടേബിള്‍ ടോപ് റണ്‍വേയാണ്. ഇവിടെ കനത്ത മഴയിലാണ് 2020 ല്‍ എയര്‍ ഇന്ത്യ എക്‌സ്പ്രസ് വിമാനം അപകടത്തില്‍ പെട്ടത്. 21 പേര്‍ കൊല്ലപ്പെട്ട അപകടത്തില്‍ 150 ഓളം പേര്‍ക്ക് പരിക്കേറ്റിരുന്നു. കനത്ത മഴയെ തുടര്‍ന്ന് റണ്‍വേ കാണാനാവാതെ രണ്ട് വട്ടം ലാന്റിങില്‍ നിന്ന് പിന്തിരിഞ്ഞ എയര്‍ ഇന്ത്യ എക്‌സ്പ്രസ് വിമാനം മൂന്നാമത്തെ ശ്രമത്തില്‍ അപകടത്തില്‍പെടുകയായിരുന്നു.
English summary; bad weather; The plane could not land at Karipur; Six flights landed at Nedumbassery
You may also like this video;
