മഹാരാഷ്ട്രയിലെ ബദ്‌ലാപുർ ലൈംഗിക പീഡനക്കേസുമായി ബന്ധപ്പെട്ട് രണ്ട് പേരെ താനെ ക്രൈംബ്രാഞ്ച് അറസ്റ്റ് ചെയ്തു. പ്രായപൂർത്തിയാകാത്ത രണ്ട് പെൺകുട്ടികളെ ശുചീകരണത്തൊഴിലാളി ലൈംഗികമായി പീഡിപ്പിച്ച സ്‌കൂളിന്റെ പ്രസിഡന്റും സെക്രട്ടറിയുമായ ഉദയ് കോട്‌വാളും തുഷാർ ആപ്‌തെയുമാണ് കർജാത്തിൽ നിന്ന് പിടിയിലായതായതെന്ന് അധികൃതർ അറിയിച്ചു.
കോട്വാളിന്റെയും ആപ്‌തെയുടെയും മുൻകൂർ ജാമ്യാപേക്ഷ ബോംബെ ഹൈക്കോടതി തള്ളിയിരുന്നു. ഇതിനു തൊട്ടുപിന്നാലെയാണ് അറസ്റ്റ്.
കേസിലെ മുഖ്യപ്രതി അക്ഷയ് ഷിൻഡെ സെപ്റ്റംബറിൽ പൊലീസ് ഏറ്റുമുട്ടലിൽ കൊല്ലപ്പെട്ടിരുന്നു.