പാക് ആര്മി വാഹനം ബലൂച് ലിബറേഷന് ആര്മി തകര്ത്തായി റിപ്പോര്ട്ട്. ആക്രമണത്തില് 12 പാക് സൈനികര് മരിച്ചു. റിമോട്ട് കണ്ട്രോള് ബോംബ് ഉപയോഗിച്ചാണ് ആക്രമണം നടത്തിയത്. ഇന്ത്യ പ്രത്യാക്രമണം നടത്തിയ പശ്ചാത്തലത്തില് ബലൂചിസ്ഥാന് വിമോചന പോരാളികള് പാക് സൈന്യത്തിനെതിരെ ശക്തമായ ആക്രമണം തുടരുകയാണ്.
ബോളാന്, കെച്ച് മേഖലകളില് 14 പാകിസ്ഥാന് സൈനികരുടെ മരണത്തിന് കാരണമായ രണ്ട് വ്യത്യസ്ത ആക്രമണങ്ങളുടെ ഉത്തരവാദിത്തം ബലൂചിസ്ഥാന് ലിബറേഷന് ആര്മി ഏറ്റെടുത്തിട്ടുണ്ട്. ബിഎല്എയുടെ ഐഇഡി ആക്രമണത്തില് പാക് സൈന്യത്തിലെ സ്പെഷ്യല് ഓപറേഷന് കമാന്റര് താരിഖ് ഇമ്രാനും സുബേദാര് ഉമര് ഫാറൂഖും മരിച്ചെന്നാണ് റിപ്പോര്ട്ടുകള് സൂചിപ്പിക്കുന്നത്. ആക്രമണത്തില് സൈന്യത്തിന്റെ വാഹനം പൂര്ണമായി തകര്ന്നു.