ബാങ്കിന്റെ ജപ്തി നടപടികളില്‍ മനംനൊന്ത് ഗൃഹനാഥന്‍ ആത്മഹത്യ ചെയ്തു. വൈക്കം തോട്ടകം വാക്കേത്തറ സ്വദേശി കാര്‍ത്തികേയന്‍ (61) ആണ് തൂങ്ങിമരിച്ചത്. തോട്ടകം സഹകരണ ബാങ്കിന്റെ ജപ്തി നടപടികള്‍ക്കിടെയാണ് ഗൃഹനാഥന്‍ ആത്മഹത്യ ചെയ്തത്. വീട്ടിനുള്ളില്‍ തൂങ്ങി മരിച്ച നിലയിലാണ് മൃതദേഹം കണ്ടെത്തിയത്. 2014ല്‍ സഹകരണ ബാങ്കില്‍ നിന്ന് കാര്‍ത്തികേയന്‍ ഏഴുലക്ഷം രൂപ വായ്പ്പയെടുത്തത്. പിന്നീട് ഇത് പുതുക്കി വീണ്ടും തുകയെടുത്തു.
ഇതിനിടിയില്‍ തിരിച്ചടവ് മുടങ്ങിയിരുന്നു. തുടര്‍ന്നാണ് സഹകരണ ബാങ്ക് വീട് ജപ്തി ചെയ്യാന്‍ നടപടി സ്വീകരിക്കുകയായിരുന്നു. ജപ്തിക്ക് മുന്നോടിയായി സ്ഥലം അളക്കാന്‍ ബാങ്ക് ഉദ്യോഗസ്ഥര്‍ ഇന്ന് വീട്ടിലെത്തിയിരുന്നു. ഇവര്‍ മടങ്ങിയതിന് ശേഷമാണ് കാര്‍ത്തികേയന്‍ ആത്മഹത്യ ചെയ്തത്. പൊലീസ് എത്തി നടപടികള്‍ പൂര്‍ത്തിയാക്കിയ ശേഷം മൃതദേഹം ആശുപത്രിയിലേക്ക് മാറ്റി.
English Summary;Bankers came to foreclose on the house after defaulting on repayments
You may also like this video
