കോളജ് വിദ്യാര്‍ഥിനിയെ കഴുത്തറുത്തു കൊന്ന യുവാവ് അറസ്റ്റില്‍. മഹാരാഷ്ട്രയിലെ ഔറംഗാബാദിലാണ് പതിനെട്ടുകാരിയായ വിദ്യാര്‍ഥിനിയെ കഴുത്തറുത്തു കൊന്നത്. ‘എന്തുകൊണ്ട് നിനക്കെന്നെ പ്രേമിച്ചുകൂടാ?’ എന്നു ചോദിച്ച ശേഷമാണ് ഇരുപതുകാരനായ യുവാവ് കൃത്യത്തിനു മുതിര്‍ന്നത്. സഹോദരിയുടെ വീട്ടില്‍ ഒളിവില്‍ കഴിഞ്ഞ യുവാവിനെ നാസിക് പൊലീസ് അറസ്റ്റ് ചെയ്തു.
ശനിയാഴ്ച വൈകുന്നേരം സുഖ്പ്രീത് കൗര്‍ എന്ന യുവതിയെ കൊലപ്പെടുത്തിയശേഷം പ്രതി ശരണ്‍സിങ് സേഥി സ്ഥലത്തുനിന്നും രക്ഷപ്പെടുകയായിരുന്നു. ബിബിഎ വിദ്യാര്‍ത്ഥിനിയായ യുവതിയെയാണ് ഇയാള്‍ കൊലപ്പെടുത്തിയത്. ഔറംഗാബാദിലെ ദിയോഗിരി കോളജിനു സമീപമാണ് സംഭവം നടന്നത്. വിവരം ലഭിച്ചതിനെ തുടര്‍ന്ന് എസ്പി സച്ചിന്‍ പാട്ടീലിന്റെ നേതൃത്വത്തിലുള്ള പൊലീസ് സംഘമാണ് ഞായറാഴ്ച പ്രതിയെ പിടികൂടിയത്.
English summary; BBA Student Beheaded Killed; Young man Under arrest
You may also like this video;
