ബേക്കല്‍ ബീച്ച് പാര്‍ക്ക് ആധുനിക രീതിയില്‍ നവീകരിച്ച് കൂടുതല്‍ ആകര്‍ഷകമാക്കുന്നതിന് ബി.ആര്‍.ഡി.സി സമര്‍പ്പിച്ച പ്രൊജക്ടിന് ടൂറിസം വകുപ്പിന്റെ അനുമതി ലഭിച്ചതായി സി.എച്ച്.കുഞ്ഞമ്പു എം.എല്‍.എ അറിയിച്ചു. 11 ഏക്കര്‍ വിസ്തൃതിയിലുള്ള പാര്‍ക്ക് 2000‑ലാണ് അവസാനമായി നവീകരിച്ചത്. നിലവില്‍ ബി.ആര്‍.ഡി.സി-യില്‍ നിന്ന് ടെണ്ടര്‍ നടപടിയിലൂടെ പള്ളിക്കര സര്‍വ്വീസ് സഹകരണ ബാങ്കിനാണ് ഈ പാര്‍ക്ക് ഏറ്റെടുത്ത് നടത്തുന്നത്. മാസത്തില്‍ ബാങ്ക് 7.50 ലക്ഷം രൂപ ബി.ആര്‍.ഡി.സി-ക്ക് നല്‍കണം. പാര്‍ക്ക് കൂടുതല്‍ നവീകരിച്ച് ടൂറിസ്റ്റുകളുടെ എണ്ണം വര്‍ദ്ധിപ്പിക്കുന്നതിന് ബി.ആര്‍.ഡി.സി അഞ്ച് കോടി രൂപയുടെ പദ്ധതിയാണ് സമര്‍പ്പിച്ചത്.
പള്ളിക്കര സര്‍വ്വീസ് സഹകരണ ബാങ്കിനെ പ്രൊജക്ട് നവീകരണത്തിന്റെ ഭാഗമായി ഉള്‍പ്പെടുത്തുന്നതോടെ നിലവിലുള്ള പ്രൊജക്ടില്‍ കൂടുതല്‍ ഇനങ്ങള്‍ ഉള്‍പ്പെടുത്താന്‍ സാധിക്കുമെന്നാണ് പറയുന്നത്, പദ്ധതി നടപ്പിലാക്കുന്നതിന്റെ മുന്നോടിയായി ഉന്നതതല യോഗം വിളിക്കുമെന്ന് എം.എല്‍.എ അറിയിച്ചു.
english summary; beckal beach park renovation
you may also like this video;
